樅陽

樅陽（樅讀充，粵拼：cung¹ joeng⁴）係中國安徽銅陵嘅一個縣。面積1808km²，人口96.2萬（2010年數據），縣治樅陽鎮。轄14個鎮、8個鄉、1個開發區。

• 鎮：樅陽鎮、𠙶山鎮（𠙶讀嘔，粵拼：au² saan¹ zan³）、湯溝鎮、老洲鎮、陳瑤湖鎮、周潭鎮、橫埠鎮、項鋪鎮、錢橋鎮、麒麟鎮、義津鎮、浮山鎮、會宮鎮、官埠橋鎮
• 鄉：鐵銅鄉、鳳儀鄉、長沙鄉、錢鋪鄉、金社鄉、白梅鄉、白湖鄉、雨壇鄉
• 開發區：樅陽經濟開發區

個名

來源有三個講法：

• 得名自宗子國。《左傳·文公十二年》：「楚子孔執舒子及宗子，逐圍巢。」杜註：「宗國爲羣舒之屬，卽樅陽，是古代偃姓方國，漢武帝在舊邑設縣，以古國爲名。」
• 因為縣城喺一座生滿樅木嘅山嘅南面。《爾雅·釋木》：「樅，松葉柏身。」《本草綱目》：「柏葉松身者檜也，松葉柏身者樅也。」《說文解字》：「縣城位山南，因名樅陽。」
• 因為喺樅川之北，所以叫樅陽。舊時樅陽地方多樅木，於是將呢度一條源自大別山、經菜子湖入長江嘅河叫樅川。

史

• 周朝時呢度係宗子國轄地。
• 漢武帝元封五年（前106年）設樅陽縣。漢武帝南巡時喺樅陽「射蛟於江中」，作咗首《盛唐樅陽之歌》
• 隋開皇十八年（598年）改名同安縣。
• 唐至德二年（757年）因安史之亂避忌個「安」字，改名桐城縣。
• 1949年劃桐城、廬江、無為各一部分合作桐廬縣，縣治開始喺項鋪鎮，後移湯家溝。個名取自桐城、廬江嘅合璧。
• 1951年改名湖東縣，因為浙江亦有個桐廬縣。
• 1954年縣治駐樅陽鎮。
• 1955年恢復漢時名樅陽縣。

攷

• 樅陽縣政府