凳

凳（粵拼：dang3），又寫成櫈，係用來坐嘅傢俬，用板加上凳腳做成，無靠背，無𢲲手。漢朝之前原來係指畀腳踏嘅「蹬具」。

細嘅凳叫凳仔，矮凳都得；長嘅凳叫長凳、橋凳或者係板凳；可以摺得埋嘅凳叫摺凳，摺得埋嘅凳仔又叫交倚。

至於有靠背／挨凭嘅「坐具」叫做椅，有得「倚」靠。

「椅，坐具後有倚者，今人俗呼椅子。」——《正字通》

語言

粵語入面凳（粵拼：dang3）呢隻字詞，查實幾古老，可以追溯到去中古漢語（唐宋）嗰度^[1]。

呢隻字詞被指係隨住中古漢語嘅龐大影響力傳到好多非漢語嘅語言當中，例如現代嘅泰國話入面就有隻字詞，

/taŋ˨˩/（國際音標）—用泰文字寫係 ตั่ง，可以羅馬化做 tang。

特指一種矮、四隻腳、有少少似床噉形嘅凳。

2017 年喺曼谷影到嘅一張 tang

凳喺各歐洲語言入面係噉叫嘅：

凳有過千年歷史。古埃及人畫有坐凳法老王像。中國唐朝之前都係坐響地蓆上面。