武俠

武俠係大中華地區嘅一種文學體裁；一個武俠故仔會講功夫高手（或者將會成為功夫高手嘅人）喺一個基於古代中國嘅世界嗰度冒險。

橋段

• 絕世高手係一種喺武俠小說裏面成日出現嘅人物類型，例子有《射鵰英雄傳》系列嘅五絕、《三俠五義》之中嘅南俠展昭同北俠歐陽春、仲有係《中華英雄》入面嘅南神掌同北腿王等等。絕世高手喺武俠故仔入面可以有好多作用：例如係出場教主角一啲新招，等主角可以變強；又或者係喺個故仔入面出場，並且俾個奸角打低，用嚟突顯主角個敵人有幾勁。