河粉

河粉（粵拼：ho4/ho4*2 fan2），原名沙河粉（saa1 ho4 fan2），或者就噉叫河ho4*2或粉，係用米漿整嘅扁平粉條嘢食，源自廣州沙河，風行華南同東南亞，可以放湯或者炒。

整法

炒河

河粉原料係稻米，將米洗淨後磨成粉加水整成米漿，用米漿蒸成薄粉皮、再切成帶狀而成。因佢係用白雲山上嘅九龍泉水泡製嘅，所出嘅粉薄白透明，爽軟韌筋兼備，炒、泡、拌食都啱。

抛镬猛火炒

河粉可以用蒸、炒（分乾炒同濕炒兩種）、煮等多種方法煮。

人手整嘅河粉色白，近來亦有店家喺其中加入各種蔬菜汁或者生果汁，整成五顏六色嘅河粉。河粉已實現機械化生產，喺廣州隨之出現咗大量自行生產嘅米粉。

2004年，廣州市政府考慮將河粉以「廣州沙河粉」之名申報「原產地域產品」保護，從而加強對河粉製造業嘅管理^[1]。 2009年，炒河粉被洛杉磯時報評為「年度十大食譜」冠軍。

河粉同其他地方嘅同類嘢食，好似客家人嘅粄條、閩南人嘅粿條極之相似，甚至無法分辨，以致好多時候，喺多種方言交疊嘅地區，粄條、粿條同河粉都被視為同一種嘢食，例如喺馬、新一帶，喺福建人、廣府人、潮州人同客家人生活交融嘅環境，河粉同粿條可講係同義詞。