混血兒係形容有唔同種族、國家同文化背景嘅人，例如父母嘅膚色唔同，但係亦有人用喺稱呼唔同種動物之間嘅後代。雜種同佢意思基本相同，但係用喺稱呼人就含有強烈嘅侮辱性。
喺西方對唔同種族同國家聯婚產生嘅後代嘅稱呼，更可細分做美亞混血兒、印歐混血兒、拉丁美洲人同印地安人混血兒、北美印地安人同歐洲白人混血兒等等。
美亞混血兒一詞最早係用嚟表示越戰、第二次世界大戰、韓戰等戰爭期間，美軍同亞洲當地婦女嘅後代。由於人數龐大，美國國會喺1982年10月22號立法通過《美國公法97-359》（又叫美亞混血兒移民法），畀呢類人民移民美國。
