雕像

雕像（粵拼：diu1 zoeng6），又叫塑像，係指能夠獨立企到喺度嘅雕塑作品，相對於雕喺一塊平面（例如牆）上面嘅浮雕。古典嘅雕像多數都用特定嘅事物做主題，譬如係人或者動物噉。

雕像可以用材料分，好似用石頭造就叫石像、用青銅造就叫青銅像... 等等。

概論

雕塑係專創作 3D 物體嘅視覺藝術，相對於（例如）創作 2D 圖像嘅畫畫。傳統上創作雕塑嗰陣，雕塑家要^[1]

用鉛筆畫稿，或者用工藝黏土等軟嘅材料整個預想雛型出嚟；
搵嚿固體嘅材料返嚟－材料可以係木、石頭、甚至冰都得；
然後佢就要郁手用鎚仔同鑿等嘅架生，將嚿材料雕成佢想要嘅形狀；

一般嚟講，雕塑作品可以分做兩大類：雕像同埋浮雕；前者係指能夠自己企到喺度嘅雕塑作品，例子有舉世聞名嘅《思索者》；而後者就係指喺一塊平面（例如牆）上雕出嚟嘅雕塑。

物理

整雕像會用到力學概念。

例如力學平衡噉。力學平衡係牛頓力學一個重要概念。當一件物體達到力學平衡嘅時候，即係話所有作用喺件物體度嘅淨力等如 0。根據牛頓第二定律，當淨力係 0 嘅時候，靜止嘅物體就會保持靜止^[2]。對於雕塑家嚟講，力學平衡係好重要，因為佢哋想令作品唔使靠支撐物（因為支撐物通常都會影響美感）都可以企得穩陣，而要計算一件雕塑品嘅力學平衡往往都幾複雜^[3]。

一個好出色嘅例子就係喺西班牙馬德里嗰座菲臘四世騎馬嘅青銅像。呢座雕像係 1640 年整嘅，正常情況下應該會向前跌，但係製作團隊用咗一個當時前所未見嘅方法去解決呢個問題：佢哋將隻青銅馬嘅密度分配得唔平均，即係話隻馬嘅後腳同尾部用實心青銅嚟造，而頭同前半身就用好薄嘅空心青銅，據講個馬頭外殼得返大約 2 毫米咁薄。噉樣令到下半身重過上半身，最後成功令個雕像可以企得穩陣，成為咗雕塑史上嘅一個重要突破^[3]。

睇埋

坐喺度嘅木觀音像，出自十一世紀北宋

引咗

↑ 4 Basic Sculpture Techniques.
↑ John L. Synge & Byron A. Griffith (1949). Principles of Mechanics (2nd ed.). McGraw-Hill. p. 39.
↑ ^3.0 ^3.1 Structures in sculpture. IDOM.

[4techniques-1] 4 Basic Sculpture Techniques.

[2] John L. Synge & Byron A. Griffith (1949). Principles of Mechanics (2nd ed.). McGraw-Hill. p. 39.

[structuresinsculpt-3] 3.0 ^3.1 Structures in sculpture. IDOM.

[1]

[2]

[3]