精蟲

精蟲（粵拼：zing1 cung4）^[1]又叫做精子（zing1 zi2；英文：spermatozoon）係男性或者其他公嘅生物嘅生殖細胞。精蟲同卵子結合成受精卵，跟住發育做胚胎。

對後人嚟講，精蟲細胞畀咗大約一半嘅遺傳物質。喺哺乳動物入面，後人嘅性別由精蟲去決定：有Y染色體嘅精蟲受精之後發育做男性後人（XY型），有X染色體嘅精子受精之後發育做女性後人（XX型），卵子淨係提供X染色體。精蟲最初畀雷文霍克喺1677年搵到。

構造

精蟲主要由頂體、細胞膜、細胞核、有精子特徵性嘅螺旋狀粒線體同鞭毛所構成。頂體有溶解酶。喺精子同卵子接觸嗰陣，溶解酶會被釋放出嚟，融咗卵子嘅透明帶（zona pellucida）後同卵子結合，變成受精卵。

人類嘅精蟲形狀好似一隻小蝌蚪，大約長50-60微米（0.05-0.06毫米）^[2]，係人體入面最細嘅細胞。佢個頭嘅細胞核負責攞親代嘅遺傳基因，中段含有大量線粒體以提供能量，條尾部就有運動功能，令精蟲可以向前游。

精蟲發生（spermatogenesis）係有性生殖嘅雄性動物長達250米嘅睾丸入面，生殖細胞喺精原細胞一直發育到成熟精子嘅過程。

而人類一次正常嘅射精過程入面，佢射出嚟嘅精液，精子嘅數目大約有2億至5億個咁多，但係喺精液嘅總體積入面淨係佔好細嘅比例。

原始生殖細胞經有絲分裂，分裂做好多精原細胞。精原細胞之後變咗做初級精母細胞。一個初級精母細胞經減數分裂之後，變做兩個次級精母細胞。兩個次級精母細胞經過減數分裂後變成四個精細胞。精細胞經過分化/精子形成為單倍體嘅精子。

精蟲死亡係因為喺空氣逗留得太耐。一般情況下，精蟲喺陰道一個鐘之後就唔會郁，兩個鐘後就會死。

↑ 精蟲（Sperm、Spermatozoon）－《《中文主題詞表》》 (PDF)。臺北市：國家圖書館。2005年修訂版。頁頁372。ISBN 957-678-430-1。原著 (PDF)喺2016年3月4號歸檔。喺2014年1月10號搵到。 {{cite book}}: Check date values in: |year= (help)
↑ 〈精子 A+醫學百科〉。喺2014-04-05搵到。