維基百科

肥媽

肥媽，BBS，MH（葡文名：Maria Cordero，中文原名：瑪俐亞，1954年2月18號—）係香港藝人，澳門出世，中葡混血。佢早年係歌手，亦拍過電影，近年就主持過唔少飲食節目。「肥媽」一名係因為佢入行之前，有啲人覺得佢令同事有一種媽媽照顧親人嘅感覺，加上身型較大份，同事就稱呼佢做「肥媽」[註 1]。

肥媽
姓名原文Maria Cordero
出生日1954年2月18號 喺Wikidata改呢個 （70歲）
出生地葡屬澳門 喺Wikidata改呢個
國籍中華人民共和國、葡萄牙 喺Wikidata改呢個
識嘅語言港澳粵語 喺Wikidata改呢個
母校Sir Ellis Kadoorie Secondary School (West Kowloon) 喺Wikidata改呢個
職業演員、歌手、電視主持 喺Wikidata改呢個
風格粵語流行曲 喺Wikidata改呢個

2024年，有學者喺Pacific Asia Conference on Information Systems發表關於網上騙案以JPEX作為案例嘅研究文章，點名批評肥媽，並無喺多次代言同投資嘅往績入面吸取教訓嘅做法，有違社會責任，傷害公眾利益[1]。

音樂作品

編輯

唱片

編輯
發行日期 專輯名 發行公司 備註
1987年6月 監獄風雲 銀星唱片 粵語大碟
1987年 監獄風雲（台灣版） 滾石唱片 粵語 / 國語大碟
1987年12月 Maria Cordero同名專緝 銀星唱片 粵語大碟
1989年 三千日後盡豪情 現代唱片 粵語大碟
1990年1月 新歌風雲集 銀星唱片 粵語大碟
1991年1月 幾許情深 現代唱片 粵語大碟
1991年 鐵獄雷霆 博德曼唱片（新馬） 粵語 / 國語大碟
1993年 轟轟烈烈愛一場 波麗佳音 國語大碟
2000年12月 Maria And Friends 百利唱片 粵語大碟
2005年6月 肥媽正傳 塗鴉文化 國語大碟
2012年 Maria New Century Workshop (HK) 粵語大碟

其他歌曲

編輯

演出

編輯

電影

編輯

相關事件

編輯

主持電視節目問題

編輯

2014年4月係發牌風波後TVB收視低潮，肥媽主持飲食節目《食平DD》時，疑用六四事件人命講笑。此節目有集內容極度怪異——「全豬宴發掘豬『內臟』美」。起初主持二人到街市，陸浩明先大叫:「我要反，我要平反，我要平反！」肥媽見狀就話：「做咩呀你，買菜要平反咩呀？」陸答：「肥媽，我作為一個良知知識分子，真係想為『佢地』討回公道呀。佢地又唔係滋事份子，無論多惡劣環境，毫無怨言，加上佢地又支持環保又廚餘回收。佢地壯烈犧牲，點解重要被詆毀？」原來只係講肉檔隻豬。雖然整段對話無提過「屠」，「六四」，單係無故話「平反」、「知識分子」、「討回公道」就令大家聯想到六四，引來評論。《輔仁媒體》就認為對死難者抽水係大為不敬。

2018年10月，肥媽點人食大灣區淡水刺身。佢個節目《大灣區活好D》，連續兩日介紹當地魚生同埋鯇魚魚生。肥媽重大讚師傅放血技巧好：「你睇啲魚完全無血，所以一啲都唔腥。」不過，食物安全中心就對節目表示關注，呼籲市民切勿進食淡水魚生，並表示：淡水魚可能帶有寄生蟲。香港早已立法禁售傳統中式魚生。

親中親建制立場

編輯

自從佢反佔中後，政見表態漸藍愈紅。

2014年5月，港府推「2017年普選行政長官/2016年立法會選舉辦法公眾諮詢」短片，邀請肥媽利用烹飪比喻普選。片中肥媽話政府就政改方案會盡力求同存異，希望尋求一個大家又接受又可行方案，但強調只係理想，希望大家先讓政改（所謂「袋往先選舉」）通過。短片曝光令肥媽受到指責，被鬧「教人煮餸教到懵咗」。

2019年6月「反送中」抗爭白熱化後，肥媽同過去幾年一樣「站警方果邊」。7月20日佢同陳百祥等人現身添馬公園主持「守護香港行動」（即「撐警大會」）。佢台上疾呼：「300多萬選民，你們去邊？點解無出黎投票？請大家未來一年選返一班真真正正議員（指建制派）入立法會。」

同年7月21號「元朗恐襲」後，肥媽同警方「割席」。肥媽接受傳媒電話訪問時，表現激動，泣不成聲。佢聲言自己無撐警，無特別支持一方，兩邊都無「撐」，她心痛點解「一家人要打爛香港」。佢話己家中都有人撐警，有人支持示威。肥媽又呼籲特首林鄭月娥出黎同市民對話，覺得先有轉機，可以「搞好香港」。她自知自己少讀書，香港問題要讀書人去處理，重話自己有心理病要食藥。

肥媽曾經有份參與一份聯署，支持北京未經諮詢或香港人同意，強行訂立嘅《港版國安法》[2][3]，但有關聯署之後被揭發做假，其中名單上嘅張寶華、徐熙媛、李巧靈同蔣志光之後否認有份參與，而陳汝騫就一早離世[4]。

方艙醫院爭議言論

編輯

2022年三月，中國政協既肥媽戴多個口罩，多層保護上身，參觀青衣方艙醫院。佢話果度「幾鬼舒服」，「環境好」好過私家醫院。重狂言希望日後方艙變成「臨時房屋」令失業既，無家既人去住。[5]因講法誇張，反襯到事實記錄同埋普遍評論。

確診武肺家中隔離

編輯

2022年六月，肥媽透露自己感染武肺病毒，有頭痛病徵。佢事先打埋四針科興疫苗，由兒科醫生李家仁經手。[6] 肥媽表示自己一向「好小心」，未夢過自己會「中招」。佢話確診前一日既快測結果重係陰性同埋如常「四周圍去」：行山，到街市，外出食飯和買衫。[7] 確診後，肥媽家中自我隔離，無去佢話好既方艙醫院。 [8]

聲音畀人惡搞回帶

編輯

佢嘅唱腔辨識度高，加上佢嘅親中政治立場，令佢成為一啲網民惡搞嘅對象。例如喺香港反送中運動入面，就有人剪輯佢嘅發言，惡搞變做歌曲《肥媽有話兒》，變成鬧香港警察係黑警嘅歌詞。另外，高登音樂台亦有一位成員化名做「尖沙咀肥媽」，推出唔少惡搞歌曲[9][10]。

1990年代，肥媽重唱過「鹹濕歌」，不時畀網民「回帶」引用佢電影片段：「將個膠笠戴落何B仔，做愛...係去實惠」。[11]

註

編輯
  1. ↑ 關於肥媽藝名來源、加入演藝界同埋任職酒廊歌手經過嘅資料出自香港電台第二台廣播節目《守下留情》2014年6月10號播出嘅訪問。

參考

編輯
  1. ↑ Au, Cheuk Hang; Chou, Chih-Yuan; Ho, Kevin (2024-07-02). "Unveiling Formations and Outcomes of Digital Consumer Frauds: An Expanded Routine Activity Theory Perspective". PACIS 2024 Proceedings.
  2. ↑ 〈文藝界2600人聯署支持立法 - 香港文匯報〉。paper.wenweipo.com。原著喺2021-05-22歸檔。喺2022-09-19搵到。
  3. ↑ 〈文化演藝界3千多人及團體表態支持國安法立法 - 雪花台湾〉。www.xuehua.tw。原著喺2022-09-20歸檔。喺2022-09-19搵到。
  4. ↑ 〈成龍挺港版國安法 聯署聲明驚現死者名字 - 大紀元〉。《大紀元 www.epochtimes.com》 (繁體中文)。2020-06-01。喺2022-09-19搵到。
  5. ↑ [1]
  6. ↑ 肥媽打齊4針科興後中招 稱曾外出用膳但諗唔到染疫原因
  7. ↑ 肥媽快測陽性　現已自我隔離 中聯文匯網 2022-06-24
  8. ↑ 【武肺肺炎】已打4針科興肥媽快測結果呈陽性　家中房間隔離：愈嚟愈頭痛
  9. ↑ 《【高登音樂台】肥媽@TST - 水氣揚揚 ( 原曲 - 喜氣洋洋 )》 (英國英文)，喺2022-04-06搵到
  10. ↑ 《【高登音樂台】肥媽 - 千噸肥婆 (原:千個太陽) Karaoke》 (英國英文)，喺2022-04-06搵到
  11. ↑ 肥媽唱鹹濕歌 食平D 食平DD 食平3D 食平TREE D 2015年5月29

出面網頁

編輯
由「https://zh-yue.wikipedia.org/w/index.php?title=肥媽&oldid=2167731」收
  NODES