膜蛤文化

膜蛤文化（粵拼：mou4 haa1 man4 faa3）係網友對中國共產黨前中央委員會總書記江澤民嘅一啲言行進行模仿嘅網絡模因，「膜」字攞「膜拜」之意，而「蛤」源自於認為江澤民貌似蛤𧊅觀點。

網上常見標誌

「膜蛤」嘅網友被稱或者自稱為「蛤絲」（「絲」即係「粉絲」）、「膜法師」（同「魔術師」同音）等，佢哋對江澤民嘅好多言行進行模仿，並稱佢為「膜法」。「續一秒」（或者「+1s」）係常被呢個群體喺各種網絡場合下使用嘅惡搞短語之一，意在祝福江澤民長命或者調侃佢命長（其中「續」係指「續命」，來源於網友對重慶紅衣男仔單嘢嘅解讀）。

風潮喺中國大陸網絡嘅傳播以江澤民怒斥香港記者張寶華單嘢為起點，喺2014年香港等地出現抗議行為後開始盛行。江澤民執政時沿襲鄧小平嘅改革開放政策，理政上海時保持海派精神，引起好多群眾懷念佢當政時經濟發展迅速、房價物價低廉，社會、政治、網絡同媒體管制較寬鬆嘅日子。

出面網頁

• 一位長者的死與生：中國網絡「膜蛤」的前世今生，端傳媒，2016-08-24。