膥袋

  提示：呢篇文講嘅唔係腎球囊。

膥袋（粵拼：ceon1 doi6，英文：scrotum），俗寫春袋（官話寫成卵袋），又叫腎囊，學名叫陰囊，係雄性生殖器一部分。

膥袋解剖圖

膥袋裝住睾丸同部分輸精管，睾丸又叫膥核或者膥子（因為佢個形態似膥），所以載住膥核嘅地方自然俾人叫膥袋。

「膥袋」所指嘅，亦都可能包埋入面嘅睾丸等結構；本文揀咗佢等於現代醫學所指嘅陰囊嘅定義，嚟介紹種種。有指正寫係「䘒袋」，詳情寫喺條目「膥」。

解剖

膥袋喺男人嘅軀幹下面，條㞗之後

一個男人嘅膥袋，可以見到入面吊住兩粒膥子

每個男人都有膥袋一個，入面有一左一右兩個間隔，兩邊間隔各自裝住一粒膥子喺裏面浮動，隔住膥袋喺外面都可以睇到兩粒膥子嘅輪廓。

相關

内文：閹

古時中國太監要自細閹割（最少會切走澌睪丸，有啲情況亦都會包埋陽具嘅其他部分），令佢哋永遠失去性同生育嘅能力，以免佢哋背著皇帝同後宮偷歡。隨着帝制結束，呢種做法成為歷史。

舊時嘅西方、印度、中東、非洲亦有相同做法，為嘅係刑罰、宗教、權力呢啲理由。有一種係為咗保留男仔發育前嘅聲，令到男人嘅性徵唔會出現，繼續唱童聲，呢啲人叫閹歌手。