自鳴鐘

自鳴鐘係識得自己定時定候去報時嘅鐘，通常每個鐘頭報時一次，響幾下就代表幾多點，亦有部份每逢搭三（15分）、搭半（30分）、搭九（45分）都會響。

香港最出名嘅自鳴鐘，就係前中環天星碼頭嘅鐘樓

自嗚鐘因為用聲音報時，所以古時候設計唔一定有鐘面或者指針。到而家，機械聲音報時已經冇乜實用需要，所以現存嘅自鳴鐘多數係為歷史傳統或者美學喜好而保留或者製作。好多舊式鐘樓都係自鳴鐘，例如倫敦嘅大笨鐘。