閩南話

閩南話;
	Bân-lâm-gú; Bân-lâm-gí
發音	[ban˨˨ lam˨˨ gu˥˧]
用嘅國家、地區	中華人民共和國; （集中喺福建南部，廣東海陸豐（中文：海陸豐）、潮汕同惠州一帶）; 中華民國; （除咗馬祖、客家鄉鎮同原住民族鄉鎮）; 馬來西亞; 星加坡; 印尼; 同其它海外華人聚居區
講嘅人口	中國：; 2,760萬（2017年）; 全世界：; 5,007.5萬（L1）; 38.7萬（第二語言）
構句法	主語-謂語-賓語（SVO）; 形容詞-名詞，介詞前置
系屬	漢藏語系漢語族閩語支沿海閩語（中文：沿海閩語）閩南話; ; ; ;
文字	臺語文; （台閩漢字（中文：台閩漢字）、白話字、臺羅（中文：臺灣閩南語羅馬字拼音方案））
官方地位
官方語言	中華民國
管理機構	中華民國教育部終身教育司閱讀及語文教育科
語言代碼
ISO 639-1	無
ISO 639-3	nan
	中國大陸、台灣閩語支嘅分佈，閩南話係藍色（唔包星加坡、馬來西亞）
	中國大陸、台灣閩南話嘅分類：; 　深綠色：漳泉片; 　淡綠色：潮汕片; 　青色：大田片（中文：闽南语#大田片）; 　啡色：浙南片（中文：浙南閩語）; 　土色：中山片（中文：中山閩語）
	睇; 傾; 改;

閩南話（粵拼：man5 naam4 waa6*2，閩南語白話字：Bân-lâm-oē），亦稱為Hōh-ló-ōe（閩南白話字）、河洛話、福佬話、鶴佬話等等，喺臺灣又叫臺灣話、臺語，南洋華人俗稱福建話，係屬於漢藏語系漢語族閩語支嘅語言，亦係最有影響力嘅閩語，分布喺福建南部、臺灣、廣東嘅潮汕地區、海陸豐地區、惠州部分地區、雷州半島、海南島、閩西龍巖市區同埋漳平一帶、閩東寧德市嘅福鼎一帶、浙江南部蒼南、平、陽洞頭部分地區同埋東南亞一啲國家同地區。

分布地區

閩南語主要分布喺臺灣同福建，同時喺中國大陸一啲地區同埋東南亞等地區：

江蘇省：宜興縣南部山區
浙江省：以平陽話為代表，主要分布喺沿海地區：
- 溫嶺縣嘅石塘一帶
- 玉環縣嘅坎門鎮
- 洞頸縣嘅本島、半屏島、元角、倪嶼
- 瑞安縣嘅北麂島、大南鄉
- 平陽縣嘅南麓島、東部沿海嘅西灣鄉、墨城鄉
- 泰順縣嘅東南角
- 文成縣嘅東南角
- 蒼南縣、長興縣、臨安縣、舟山群島等地區
江西省：東北部近浙江嘅地區
廣東省：東部沿海地區、雷州半島
海南省：以海口話、文昌話為代表，分布遍及全島
廣西壯族自治區
東南亞：新加坡、印度尼西亞、馬來西亞、泰國等地

方言

基本上，按地區，大致可以劃分為以下幾種次方言：

泉漳片（閩臺片）
- 漳州話
- 泉州話
- 廈門話（Amoy）
- 東南亞福建話（Hokkien）
- 浙南閩語
- 廣西閩語
- 海陸豐話
潮汕片
- 潮州話
- 揭陽話
- 汕頭話
雷瓊片（亦單作雷瓊語）
- 雷州話
  - 黎話
- 海南話

語言之間嘅親近性

漳泉片

漳泉片，就係本土閩南語。漳州同泉州係語言學範疇嘅各種閩南方言嘅發源地，所有閩南方言嘅源頭都係漳州話同泉州話。漳、泉方言內部有啲差異，主要係音韻系統方面有啲唔同，但係相互之間有嚴格嘅對應關係；語法同埋用詞就基本一致。明清以來出現嘅廈門話同臺灣話（兩者非常之似），都係直接由漳、泉各縣（市）方言混合而成，體現咗亦漳亦泉、唔漳唔泉嘅特色。而因為經濟發展較快同對外交流頻密，廈門話同臺灣話亦被國內外人士睇成典型嘅閩南話。閩臺片嘅閩南話內部較為統一。東南亞嘅福建話亦就係指閩臺片嘅閩南話。

鶴佬話都係閩南話分裂嘅一支。鶴佬話唔係潮州話，兩者相比，鶴佬話同番漳泉片溝通容易好多。用鶴佬話嘅地區有：汕尾，海豐，陸豐同惠東一部分嘅地方。鶴佬人係以前香港四大民族之一。

浙南片

明末清初時期，有好多閩南人（主要係龍溪、海澄、漳浦、安溪、惠安、同安等地）搬去浙南嘅蒼南縣、平陽縣、玉環、洞頭一帶同埋福建東北部嘅福鼎、霞浦一帶。浙南同閩東地理相連，口音亦相近，呢個片區統稱為浙南片。閩南話傳入浙南、閩東地區後，由於自身嘅演變同埋受周圍方言（浙南係甌語，閩東係福州語系）嘅影響，同閩南本土嘅閩南話形成一定差別，蒼南人習慣將呢種方言稱為「浙南閩語」。現代嘅浙南閩語同閩臺片嘅閩南話相比較，主要係入聲韻、鼻化韻嘅退化消失同埋用詞方面嘅差別。但整體嚟講，浙南閩語基本重係保留咗本土閩南話其它嘅特色。相對嚟講，浙南閩語比潮汕話更加接近閩臺片閩南話。

潮汕片

潮汕話亦都叫潮州話，同漳泉片嘅閩南語有好多相似嘅地方，但互相之間差別重係非常明顯。佢嘅語法同漳泉片相同，詞匯亦有高度嘅對應，語音語調上就有明顯嘅差異，即使係噉，彼此雖然各講各嘅，但係重算係溝通到，基本上潮閩雙方都可以好快融入對方嘅語系。喺潮汕話同漳泉片相交融嘅地區，兼具有兩者嘅發音特色，好似福建嘅詔安，新加坡等。潮汕話除咗分布喺廣東省潮汕地區之外，重廣泛分布喺東南亞眾多潮汕人聚居嘅地方。

而家用潮州話嘅地區主要有：汕頭市、潮州市、揭陽市等市同埋所屬各縣區，重有海外潮人聚居嘅地方。另外，泰國曼谷同埋其他城市嘅唐人街（Chinatown），法國巴黎嘅唐人街，柬埔寨大部分嘅華人，越南一部分嘅華人講潮州話。全世界大概有3000萬人以潮州話為母語。

海南片

海南話據講係由閩南（有人^{[邊個？ ]}話係莆田）人遷移過去之後同當地語言混合後形成嘅一種閩方言。

海南話以文昌話為代表，同其它片區嘅閩南語嘅差別最大。

睇埋

參攷

↑ ^1.0 ^1.1 ^1.2 "Chinese, Min Nan | Ethnologue". 原先內容歸檔喺2019-03-23. 喺2021-12-25搵到.
↑ "Draft national language development act clears legislative floor". ltn.com.tw. 2018-12-25. 原先內容歸檔喺2021-10-21. 喺2021-12-25搵到.
↑ 〈立院三讀《國家語言發展法》　公廣集團可設台語電視台〉。臺灣蘋果日報。2018-12-25。原先內容歸檔喺2018-12-26。喺2021-12-25搵到。
↑ 跟《中國語言地圖集》

出面網頁

[Ethnologue-1] 1.0 ^1.1 ^1.2 "Chinese, Min Nan | Ethnologue". 原先內容歸檔喺2019-03-23. 喺2021-12-25搵到.

[2] "Draft national language development act clears legislative floor". ltn.com.tw. 2018-12-25. 原先內容歸檔喺2021-10-21. 喺2021-12-25搵到.

[3] 〈立院三讀《國家語言發展法》　公廣集團可設台語電視台〉。臺灣蘋果日報。2018-12-25。原先內容歸檔喺2018-12-26。喺2021-12-25搵到。

[4] 跟《中國語言地圖集》

[1]

[2]

[3]

[4]

閩南話
Bân-lâm-gú Bân-lâm-gí
發音	[ban˨˨ lam˨˨ gu˥˧]
用嘅國家、地區	中華人民共和國（集中喺福建南部，廣東海陸豐（中文：海陸豐）、潮汕同惠州一帶）中華民國（除咗馬祖、客家鄉鎮同原住民族鄉鎮）馬來西亞星加坡印尼同其它海外華人聚居區
講嘅人口	中國： 2,760萬（2017年）^[1] 全世界： 5,007.5萬（L1）^[1] 38.7萬（第二語言）^[1]
構句法	主語-謂語-賓語（SVO）形容詞-名詞，介詞前置
系屬	漢藏語系漢語族閩語支沿海閩語（中文：沿海閩語）閩南話
文字	臺語文（台閩漢字（中文：台閩漢字）、白話字、臺羅（中文：臺灣閩南語羅馬字拼音方案））
官方地位
官方語言	中華民國^[2]^[3]
管理機構	中華民國教育部終身教育司閱讀及語文教育科
語言代碼
ISO 639-1	無
ISO 639-3	`nan`
中國大陸、台灣閩語支嘅分佈，閩南話係藍色（唔包星加坡、馬來西亞）
中國大陸、台灣閩南話嘅分類：^[4] 　深綠色：漳泉片　淡綠色：潮汕片　青色：大田片（中文：闽南语#大田片）　啡色：浙南片（中文：浙南閩語）　土色：中山片（中文：中山閩語）
睇傾改