倫敦
想搵第二個意思嘅話，請睇倫敦 (搞清楚)。| 倫敦 London | |
| 花名：霧都 | |
| 國家 | 英國 |
| 歷史 | 有成2,000幾年咁耐 1801年做咗世界第一大埠 |
| 市長 | 簡世德 |
| 幅員 | 1580平方公里（607平方英哩） |
| 人口 －總人口（2022年6月） －人口密度 |
8,866,180人 14,600人/英哩（5,640人/平方公里） |
| 語言 | 英文 |
| 位置 －經度 －緯度 |
0°05'00"W 51°30'00"N |
| 氣溫 －全年最高 －全年平均 －全年最低 |
25 °C（7月） °C -2 °C（1月） |
| |
倫敦（英文：London，舊時又叫做英京）係英國實際上嘅首都，同時亦係英倫實際上嘅首府。自18世紀以來，倫敦一路都係世界上至為緊要嘅政治、經濟、文化、藝術與及娛樂核心之一。2022年統計指，倫敦斷人頭計有成880幾萬，而其中倫敦大都會區人口大約1,490萬。倫敦乃係一個極之多元化嘅大都市，居民來自世界各地，具有多元嘅種族、宗教同文化，講說話嚟計，言語都有成300幾種。同時，倫敦更係世界聞名嘅旅遊勝地，有勁多名勝景點，即如博物館咁。
名稱
編輯喺英國嘅政治區劃裡面，「倫敦」同「倫敦市」唔係同一回事。「倫敦」或者「大倫敦」係一個大都會區，重要嘅英國國家機構，包括王室住地白金漢宮、國會所在地西敏宮同首相辦公室唐寧街十號，都位於倫敦轄下嘅西敏市；「倫敦市」係一座高度自治嘅城市，受英國基本法《大憲章》第九條特別保護[1]。
地理
編輯泰晤士河穿過倫敦，而且將城市分開做南同北。自從羅馬人喺嗰度定居之後，河上面逐漸起咗一條條嘅橋，而其中最著名嘅就係倫敦橋。
人口
編輯倫敦係歐洲繼莫斯科同巴黎之後嘅第三大都市。據2021年嘅人口普查，倫敦市區同佢嘅自治市（鎮）（約610平方英里）有8,799,800 人口。其中大概有53.8%係白人，14.5%係印度、孟加拉或巴基斯坦後裔，7.9%係非洲黑人後裔，3.9%係加勒比海黑人後裔，5.7%混血人種，重有1.7%係華人。40.66%嘅人口信奉基督教，27.05%嘅人口冇宗教信仰。大概有40.6%嘅倫敦居民喺英國以外嘅地區出世。
生活喺倫敦都市圈（6,267平方英里）入面嘅大約有14,900,000人口，比起蘇格蘭、威爾士同北愛爾蘭嘅人口總和重要多。倫敦都市圈係歐洲最大嘅都市圈，亦係世界上最大嘅20個都市圈之一。
行政區劃
編輯
|
- ↑ 唔受倫敦管轄。
交通
編輯交通係倫敦市長提出嘅四大主要政策之一[2]，但佢冇管理埋進入倫敦嘅長途鐵路嘅財務。由2007年開始，市長除咗有權管理倫敦地鐵同巴士之外，仲可以管理構成「倫敦高架鐵路」嘅幾條本地線路。公共交通由倫敦交通局 (TfL) 營運，形成咗全球最密集嘅交通網絡之一。單車喺倫敦周邊開始慢慢普及。倫敦單車運動組織為咗改善單車使用環境而進行遊說活動[3]。
1933年，倫敦地鐵、電車、巴士等交通機構合併，成立咗倫敦客運管理局同倫敦交通。倫敦交通局 (Tfl) 係由法例設立嘅機構，負責管理大倫敦區內大部分公共交通，委員會同董事都係由倫敦市長委任[4]。
道路
編輯
雖然中心倫敦有密集嘅公共交通網，但喺郊區汽車仲係常見嘅交通工具。倫敦嘅高速公路有放射線同環狀線。中心倫敦嘅環狀線包括倫敦內環線。近郊嘅高速公路有北環線A406公路同南環線A205公路，郊區嘅環狀線就有M25高速公路。環狀線同好多交通繁忙嘅放射線相連，仲有穿過內倫敦嘅高速公路。M25係全世界最長嘅環狀公路，全長195.5 km（121.5 mi）[5]。A1同M1高速公路分別連接愛丁堡、利茲同紐卡素。
喺1960年代，有個叫做倫敦環形公路嘅計劃，想喺整個倫敦建造高速公路網，但大部分計劃喺1970年代被擱置咗。2003年，為咗減少倫敦市中心嘅交通流量，引入咗擠塞費。除咗少數例外，私家車如果要進入倫敦市中心被指定為交通流量特別大嘅區域，每日要俾10英鎊[6][7]。住喺擠塞費指定區域嘅司機可以買季票，每個月更新一次。季票嘅價錢仲平過喺區域內搭巴士嘅車費[8]。倫敦嘅交通擠塞好出名，特別係M25特別塞。繁忙時間汽車嘅平均速度係 10.6 mph（17.1 km/h）[9]。當局一開始估計，實施擠塞費之後，每日高峰時段使用巴士同地鐵等公共交通嘅人數會增加2萬人，交通流量會減少10-15%，道路網絡嘅交通流量會提高10-15%，塞車會減少20-30%[10]。實施擠塞費一段時間之後，當局自己公布話，平日進入倫敦市中心嘅車輛數目由195,000架減少到125,000架，減少咗35%[11]。
全世界都知嘅黑色的士 (black cab) 叫做倫敦的士，係市民常用嘅交通工具。要成為的士司機要通過好難嘅考試[12]。市內一半以上嘅道路係單向行車，有時要繞路。所以倫敦的士嘅車費睇落好似貴啲，但如果單向行車同行車方向一樣，同日本嘅的士價錢冇乜分別，如果單向行車同行車方向唔同，車費就會貴啲。另外，冇營業執照嘅合法私人的士叫做迷你的士 (mini cab)，喺市民之間因為價錢比黑的平啲而更普遍[13]。
巴士同電車
編輯
倫敦巴士係全世界最大規模嘅巴士網絡之一，每日24小時用8,000架巴士行駛700條路線，平日每日有600萬人搭。喺2003年，整個網絡嘅出行次數[14]有15億次，多過地鐵嘅乘客人次，係市民最常用嘅交通工具[15]。每年收入有8億5000萬英鎊。倫敦係全世界輪椅可以去到嘅範圍最大嘅城市[16]，由2007年開始，加裝咗語音同影像指示等視障人士專用嘅設備，方便程度進一步提高。喺倫敦市內到處都見到嘅紅色雙層巴士（雙層巴士）喺全世界都好出名，成為平價嘅市民交通工具。
體育
編輯倫敦搞過三次夏季奧林匹克運動會，分別係1908年、1948年同埋2012年，係有史以嚟頭一個三度主辦現代奧運會嘅城市。
倫敦亦雲集英格蘭超級足球聯賽其中五間足球會：阿仙奴、車路士、水晶宮、熱刺同埋韋斯咸。
倫敦嘅溫布頓網球錦標賽亦係世界四大網球公開賽其中一個。
旅遊
編輯
倫敦係世界上其中一個好受遊客歡迎嘅城市。主要景點包括：
參考
編輯- ↑ 英國國家檔案館網站《大憲章》全文英譯
- ↑ "Transport for London". Transport for London. 原著喺2010-01-18歸檔. 喺2008-04-27搵到.
{{cite web}}: Unknown parameter|url-status-date=ignored (help) - ↑ "London Cycling Campaign". Rosanna Downes. 2006-11-20. 原著喺2011-05-19歸檔. 喺2008-04-27搵到.
{{cite web}}: Unknown parameter|url-status-date=ignored (help) - ↑ "How do I find out about transport in London?". Greater London Authority. 原著喺2007-10-19歸檔. 喺2008-06-05搵到.
{{cite web}}: Unknown parameter|url-status-date=ignored (help) - ↑ "Beds, Herts and Bucks Travel — All you need to know about the M25". BBC. 1988-08-17. 原著喺2011-05-20歸檔. 喺2010-02-20搵到.
{{cite web}}: Unknown parameter|url-status-date=ignored (help) - ↑ "Charging Zone". Transport for London. 原著喺2011年5月20日歸檔. 喺7 June 2008搵到.
{{cite journal}}: Cite journal requires|journal=(help); Invalid|ref=harv(help); Unknown parameter|deadlinkdate=ignored (help); Unknown parameter|deadurl=ignored (|url-status=suggested) (help); Unknown parameter|unused_data=ignored (help) - ↑ "Who pays what". Transport for London. 原著喺2008-06-08歸檔. 喺2008-06-07搵到.
{{cite web}}: Unknown parameter|url-status-date=ignored (help) - ↑ "Residents". Transport for London. 原著喺2011-05-20歸檔. 喺2008-06-07搵到.
{{cite web}}: Unknown parameter|url-status-date=ignored (help) - ↑ Mulholland, Hélène (16 March 2009). "Boris Johnson mulls 'intelligent' congestion charge system for London". The Guardian. UK. 原著喺2011年5月20日歸檔. 喺1 September 2009搵到.
{{cite news}}: Invalid|ref=harv(help); Unknown parameter|deadlinkdate=ignored (help); Unknown parameter|deadurl=ignored (|url-status=suggested) (help) - ↑ Santos, Georgina, Kenneth Button, and Roger G. Noll. "London Congestion Charging/Comments." Brookings-Wharton Papers on Urban Affairs.15287084 (2008): 177,177–234.
- ↑ Table 3 in Santos, Georgina, Kenneth Button, and Roger G. Noll. "London Congestion Charging/Comments." Brookings-Wharton Papers on Urban Affairs.15287084 (2008): 177,177–234.
- ↑ 〈労働・運転者の問題 - 国土交通省〉 (PDF)。原著 (PDF)喺2023年3月21號歸檔。喺2024年9月27號搵到。
- ↑ 〈存档副本〉。原著喺2022年1月22號歸檔。喺2024年9月27號搵到。
- ↑ 人有某個目的從一個地方去另一個地方，呢個過程就叫做「出行」。[1] 互聯網檔案館嘅歸檔，歸檔日期2012年11月5號，.
- ↑ Transport for London. London Buses. Transport for London. ISBN 978-0-946265-02-2. 原著喺2011年5月19日歸檔. 喺6 June 2008搵到.
{{cite book}}: Invalid|ref=harv(help); Unknown parameter|deadlinkdate=ignored (help); Unknown parameter|deadurl=ignored (|url-status=suggested) (help) - ↑ "London's bus improvements get Parliamentary seal of approval". Transport For London. 2006-05-23. 原著喺2011-05-19歸檔. 喺2011-02-05搵到.
{{cite web}}: Unknown parameter|url-status-date=ignored (help)