植株高20～40m，有主根同側根。主根係圓錐形，而側根係輪生；第一輪係主要吸收根系，離地表有10～20cm，而第二輪有支撐作用，離地表超過40cm；梗皮有好多樹汁。葉係互生品種，三出複葉，細葉係橢圓形或蛋形或圓角披針形，長10～30cm，闊5～12cm，全緣革質兼冇毛，先端比較尖，基部好似個心噉，有比較明顯嘅側脈同網脈；葉柄長5～14cm。花係好多個聚傘花序組成嘅圓錐花序，單性，一般生喺葉杈，公乸唔同樹；花色係綠色，冇花瓣，但每個聚傘花序嘅中間嗰拃花係乸，凈低嗰啲係公，長25cm，有白軟毛，花萼黃色，5裂；每年3～4月同5～7月開花，但有時喺8～9月開花。果係蒴果品種，波形，樣比較大，熟咗之後分成3嚿果瓣，殼硬到好似嚿木噉，入面有3粒籽；一般係每年秋冬時節結果。籽嘅樣介乎橢圓形到長橢圓形之間，長25～30mm，大多數有啡色斑紋。
植株可以整橡膠製造品，喺大多數嘅汽車、飛機、船艦、電纜、傳送帶、薄膜製品等好多種工農業機具配件同生活產品用品都用到佢。籽有22～25%含油量，可以整油漆同番梘。而木質果殼可以整活性炭或醋酸等化工原料。佢嘅木可以整樹脂粘合板；膠汁重可以放養蜜蜂；籽餅可以餵家禽。
 植株 | 植株 |
 習性 | 習性 |
 梗 | 梗 |
 葉 | 葉 |
 花 | 花 |
 果（未熟嗰時） | 果（未熟嗰時） |
 果（熟咗之後） | 果（熟咗之後） |
 籽 | 籽 |
|
