人類性行為係指人類展現同表達性嘅行為。人類出於各種原因，以唔同頻率自己（自慰）或同人（性交、非插入式性行為、口交等）作出性行為。作出性行為嘅人通常會達致性興奮並經歷相關嘅生理變化。
對某啲文化嚟講，婚前同婚外性行為係禁忌，只係得婚姻中嘅性行為可以接受。有啲性行為喺部分地方以至全世界都係非法嘅，例如係性侵犯。
雖然性行為係正常生理活動，但仍然有風險，可能會導致意外懷孕或感染性病。
唔少地方對同性性行為有限制，甚至係全面禁止。
喺好多穆斯林國家，任何婚前同婚外性行為都係非法嘅。違法嘅人（尤其係婦女）可能會被迫同個性伴侶結婚、俾人當街毆打或掟石掟死。
