去-唔去

去-唔去（Go/no go）泛指一個系統要對「要郁手」定「唔好郁手」作出判斷。

行為

「咦，綠燈喎，等我過馬路先...」
跟住喺下一刻，盞交通燈轉紅燈，個人就即刻跟住停低（抑制「過馬路」呢個行動）。

睇埋：訊號探測理論同衝動 (性格)

喺動物行為學同心理學上，用去-唔去嘅方式做嘅測試可以攞嚟考驗一個個體嘅抑制控制（inhibitory control）能力。抑制控制係指一個個體「抑制就嚟要郁手做嘅行動」嘅能力：呢個概念可以用去-唔去嘅測試嚟諗；又想像家陣擺隻大鼠喺個籠入面，籠入面有個掣同一盞燈，

• 每當盞燈閃綠色光（去訊號；go signal）嗰陣，隻大鼠就要去撳個掣，撳啱咗嘅話就有嘢食；而經驗顯示，隻大鼠好快就會學識一見到盞燈閃綠色光就去撳掣。
• 跟住想像加一條新嘅規則，由而家開始，每次盞燈閃綠色光嗰陣，都有若干機率（$p$，$0<p<1$）會係盞燈喺 0.2 秒之後閃紅色光（唔去訊號；no-go signal），如果出現咗唔去訊號，噉隻大鼠就要唔好去撳掣，而如果佢冇做到抑制自己撳掣嘅行動嘅話，就會受到懲罰，例如個籠會有電流通過電佢，令佢有痛嘅感覺；

每當隻大鼠見到去閃綠燈（去訊號）嗰陣，佢都會為咗想有嘢食而有股動力去撳掣（行動），而如果跟住出現紅燈（唔去訊號），佢就需要停低唔好做出「撳掣」呢一個舉動（抑制就嚟要郁手做嘅行動）。一隻動物－無論係大鼠定係人都好－有幾能夠「喺去-唔去測試當中，對唔去訊號俾正確嘅反應」就反映咗佢嘅抑制控制能力。

睇埋

• 二元分類