國際象棋
國際象棋（粵音：gwok3 zai3 zoeng6 kei2；英文：Chess），粵港澳地區又可以叫歐洲象棋或者西洋棋，係一種兩個人對局嘅棋類遊戲：一個國際象棋棋盤會分做 64 個格仔，打橫 8 格、打戙 8 格，而喺一場對局啱啱開始嗰陣，每位玩家都有 16 隻棋－包括 1 隻國王、1 隻皇后、2 隻城堡、2 隻騎士、2 隻主教同埋 8 隻卒仔，每款棋嘅行法都唔同；每位玩家喺到佢行嗰陣都能夠郁自己方嘅一隻棋[註 1]，而隻遊戲嘅目標係要有技巧噉行自己啲棋，務求將對方嘅國王迫入一個「無論跟住落嚟點行都會死」嘅處境－即係所謂嘅將死（checkmate）。國際象棋冇任何隱藏資訊－喺任何時間點，雙方都能夠睇到嗮棋盤上每隻棋喺邊個位[1]。
國際象棋相當之古老：國際象棋嘅前身源於印度同波斯（而家嘅伊朗）等地[2]，事實係，英文當中嘅 checkmate 係源自波斯文 shāh māt 嘅－呢句嘢喺波斯文裏面係「國王陷入無助」噉嘅意思[3]；家陣見到嘅國際象棋係喺 15 世紀後半橛响歐洲南部成形嘅，而打後喺 19 世紀，啲人開始搞大型嘅國際象棋比賽，亦都因為噉令到國際間出現咗一套標準嘅國際象棋規則[4]。
自從嗰時之後，國際象棋吸引咗社會各界嘅人嘅關注：有唔少人會為國際象棋寫書，討論點樣學捉國際象棋同埋研究國際象棋理論，而呢啲知識對數學[5]、電腦科學[6]以至認知科學[7]等嘅領域都有返咁上下影響力。到咗廿一世紀初，國際象棋係全世界最受歡迎、最家傳戶曉嘅遊戲之一，而同國際象棋相關嘅意像同橋段仲時不時會喺大眾媒體嗰度出現[註 2]。
棋盤同棋
編輯棋盤
編輯國際象棋棋盤由8×8一共64個格仔組成，其中32個係淺色嘅，叫做白格，32個係深色嘅，叫做黑格。黑白格仔相間組成棋盤。
喺代數記譜法入面，棋盤嘅8個豎列分別以細寫英文字母a～h標記，8個橫行分別以阿拉伯數字1～8標示。
棋
編輯國際象棋嘅棋同樣分深色同淺色兩種，深色嘅棋叫黑棋，淺色嘅棋叫白棋。
入面有6種棋，包括「國王」（又叫做「王」，King）、「皇后」（又叫做「后」，Queen）、「城堡」（又叫做「車」，Rook）、「教士」（又叫做「象」，Bishop）、「騎士」（又叫做「馬」，Knight）同埋「士兵」（又叫做「卒」，Pawn）。捉棋嘅雙方都各自有一王一后，兩隻車、象、馬，同埋八隻兵。
棋嘅擺法
編輯| a | b | c | d | e | f | g | h | ||
| 8 |              | 8 | |||||||
| 7 | 7 | ||||||||
| 6 | 6 | ||||||||
| 5 | 5 | ||||||||
| 4 | 4 | ||||||||
| 3 | 3 | ||||||||
| 2 | 2 | ||||||||
| 1 | 1 | ||||||||
| a | b | c | d | e | f | g | h | ||
首先要擺好個棋盤，對兩邊嘅玩家嚟講，右下角都應該係白格嚟嘅，英文入面有句短句可以幫手記住呢樣嘢，就係「Light on the right」。
開始捉棋嘅時候，白棋要擺喺1、2兩行，黑棋要擺喺7、8兩行。
擺法係：
- 白棋——8隻兵擺喺第2行，王同后擺喺第1行中間兩個格（白王擺喺黑格），王、后兩邊係兩隻象，主教旁邊係馬，馬旁邊係車。
- 黑棋——同白棋對稱擺放。呢到講嘅對稱係好似塊鏡咁嘅對稱，唔係旋轉對稱，亦即係話，皇后對面係皇后，國王對面係國王。
白王擺喺黑格，黑王擺喺白格。英文入面，啲人通常會記「Queen on her own color」（皇后喺佢自己隻顏色度）。
棋嘅行法
編輯- 國王（King）
- 又叫做「王」，係成盤棋入面最重要嘅棋，唔可以畀人食。打橫、打戙、打斜行都得，但係每次淨係可以行一格，所行到嘅位置唔可以有對方嘅棋嘅威脅，平時行同埋食棋都係咁。另外有一種特別嘅行法，叫做「王車易位」。
| a | b | c | d | e | f | g | h | ||
| 8 |  | 8 | |||||||
| 7 | 7 | ||||||||
| 6 | 6 | ||||||||
| 5 | 5 | ||||||||
| 4 | 4 | ||||||||
| 3 | 3 | ||||||||
| 2 | 2 | ||||||||
| 1 | 1 | ||||||||
| a | b | c | d | e | f | g | h | ||
- 皇后（Queen）
- 又叫做「后」，係最勁嘅棋。打橫、打戙、打斜行都得，而且可以行無限格，但係唔可以跳過其他棋。平時行同埋食棋都係咁。
| a | b | c | d | e | f | g | h | ||
| 8 |  | 8 | |||||||
| 7 | 7 | ||||||||
| 6 | 6 | ||||||||
| 5 | 5 | ||||||||
| 4 | 4 | ||||||||
| 3 | 3 | ||||||||
| 2 | 2 | ||||||||
| 1 | 1 | ||||||||
| a | b | c | d | e | f | g | h | ||
| a | b | c | d | e | f | g | h | ||
| 8 | | 8 | |||||||
| 7 | 7 | ||||||||
| 6 | 6 | ||||||||
| 5 | 5 | ||||||||
| 4 | 4 | ||||||||
| 3 | 3 | ||||||||
| 2 | 2 | ||||||||
| 1 | 1 | ||||||||
| a | b | c | d | e | f | g | h | ||
- 主教（Bishop）
- 又叫做「象」，淨係可以打斜行無限格，但係唔可以轉彎，亦都唔可以跳過其他棋。平時行同埋食棋都係咁。開始嗰陣兩個人都有兩隻主教，一隻喺白格，一隻喺黑格，白格嗰隻淨係可以喺白格人面郁，黑格嗰隻淨係可以喺黑格人面郁。
| a | b | c | d | e | f | g | h | ||
| 8 | | 8 | |||||||
| 7 | 7 | ||||||||
| 6 | 6 | ||||||||
| 5 | 5 | ||||||||
| 4 | 4 | ||||||||
| 3 | 3 | ||||||||
| 2 | 2 | ||||||||
| 1 | 1 | ||||||||
| a | b | c | d | e | f | g | h | ||
- 騎士（Knight）
- 又叫做「馬」，同中國象棋入邊嗰隻「馬」一樣咁行，都係行「日」字，或者英文字母大楷「L」形：即係向咗左（或者右）行咗一格先，然後再向上（或者下）行兩格；或者向咗左（或者右）行兩格先，然後再向上（或者下）行一格。同中國象棋唔同，國際象棋嘅騎士冇「撠馬腳」嘅限制，所以馬可以跳過其他棋。平時行同埋食棋都係咁。
| a | b | c | d | e | f | g | h | ||
| 8 | | 8 | |||||||
| 7 | 7 | ||||||||
| 6 | 6 | ||||||||
| 5 | 5 | ||||||||
| 4 | 4 | ||||||||
| 3 | 3 | ||||||||
| 2 | 2 | ||||||||
| 1 | 1 | ||||||||
| a | b | c | d | e | f | g | h | ||
| a | b | c | d | e | f | g | h | ||
| 8 |  | 8 | |||||||
| 7 | 7 | ||||||||
| 6 | 6 | ||||||||
| 5 | 5 | ||||||||
| 4 | 4 | ||||||||
| 3 | 3 | ||||||||
| 2 | 2 | ||||||||
| 1 | 1 | ||||||||
| a | b | c | d | e | f | g | h | ||
規則
編輯將軍、將死
編輯如果國王被對手嘅棋直接攻擊嘅話，咁就叫做被人「將軍」（英文：check），呢個時候行嘅一步一定要令國王唔再被人將軍，如果唔係係違反規則嘅。做法有三種：一，食咗攻擊國王嗰隻棋；二，𠓼一隻棋喺攻擊者同國王之間（只有攻擊者係皇后、城堡或者主教，而且攻擊者同國王之間有空格先得）；三，移動國王令到佢唔再被攻擊。畀人將軍嗰陣係唔可以王車易位嘅。
遊戲目的係將死對方，意思即係將軍，而且對手無任何方法令國王唔再被人將軍，亦即係話，以上講嘅三種方法都唔可行。遊戲期間，郁完之後自己嘅國王係被人將軍嘅話係唔符合規則嘅。喺平時同朋友捉棋嗰陣，好多時將軍嗰陣都會口講一聲「將軍」，不過呢個唔係規則要求嘅做法，而且喺比賽入面通常都唔會咁做。
黑棋國王被城堡將軍。
|
白棋畀人將死咗。
| ||||||||||||||||||||||||||||||||||||||||||||||||||||||||||||||||||||||||||||||||||||||||
逼和、困局
編輯其他
編輯時間控制
編輯評分同銜頭
編輯國際象棋嘅比賽積分用Elo等級分制度來計算，參加FIDE嘅比賽，Elo積分達到一定水平並且有對應嘅「norm」可以獲得相應嘅銜頭。另外，喺某啲大型比賽（例如World Youth Chess Championship、國際象棋奧林匹克）入面攞到好成績嘅話，Elo分未去到對應嘅要求都有機會可以攞到個銜頭。
- 特級大師：達2500以上、3個GM norm。
- 國際大師：達2400以上、3個IM norm。
- 棋聯大師：達2300以上。
- 候選大師：達2200以上。
頭銜不限性別，但另設有專門畀女性嘅銜頭，例如女子特級大師（WGM）、女子國際大師（WIM）等等。
認知
編輯認知心理學（cognitive psychology）領域上有探討「國際象棋涉及乜嘢認知功能」，當中有關專家知識（expertise）嘅研究就成日都會攞國際象棋嚟做研究對象：專家係指對某啲特定領域零舍熟嘅人，例如專業國際象棋棋手就係指專業捉國際象棋嘅人，同一般人比起嚟會零舍熟識有關國際象棋嘅嘢（有大量有關國際象棋嘅專家知識）；對專家知識嘅認知研究好興攞專業國際象棋棋手同一般人嚟比較，睇吓專家同一般人喺認知上有乜嘢差異[7][8][9]。
舉個例說明：有研究試過睇專家嘅記憶能力：研究者搵咗班受試者返嚟，當中包括專業國際象棋棋手（實驗組）同埋一般人（對照組）；首先佢哋叫兩組受試者分別噉記有章法（喺國際象棋比賽會出現）嘅棋局，發覺專業棋手喺記呢啲棋局嗰陣明顯快過一般人－佢哋能夠望一盤棋望幾秒，就完美噉記得住每隻棋喺邊個位置，而一般人做唔到呢樣嘢；跟手佢哋叫兩組受試者分別噉記隨機嘅棋局，即係完全冇章法可言、齋係隨機將啲棋擺喺個棋盤上嘅「棋局」，發現專業棋手喺記呢啲棋局嗰陣表現同一般人無異。根據呢個結果，研究者就主張話專業知識（或者最少係國際象棋嘅專業知識）係源於專家對「工作上成日遇到嘅規律」熟識而引起嘅[7]。
睇埋
編輯註釋
編輯- ↑ 唯一嘅例外係王車易位（castling）。
- ↑ 可以睇吓 TV Tropes 嘅 Chess Motifs。
參考資料
編輯- ↑ Khomskii, Yurii (2010). "Infinite Games (section 1.1)" (PDF).
- ↑ Murray, H.J.R. (1913). A History of Chess. Northampton, Mass.: Benjamin Press (originally published by Oxford University Press). pp. 26-27, 51-52.
- ↑ Checkmate Online Etymology Dictionary.
- ↑ Kasparov, Garry (2003a). My Great Predecessors, part I. London; Guilford, CT: Everyman Chess. p. 6, 11.
- ↑ Chinchalkar, S. (1996). An Upper Bound for the Number of Reachable Positions. ICCA Journal, Vol. 19, No. 3, pp. 181–83.
- ↑ Russell, Stuart J.; Norvig, Peter (2003), Artificial Intelligence: A Modern Approach (2nd ed.), Upper Saddle River, New Jersey: Prentice Hall. pp. 9, 21-22.
- ↑ 7.0 7.1 7.2 de Groot; Adriaan D. (1965) [1946 (first Dutch ed.)]. Thought and Choice in Chess (English ed.). The Hague: Mouton.
- ↑ Howard, R. W. (2012). Longitudinal effects of different types of practice on the development of chess expertise. Applied Cognitive Psychology, 26(3), 359-369.
- ↑ Boggan, A. L., Bartlett, J. C., & Krawczyk, D. C. (2012). Chess masters show a hallmark of face processing with chess (PDF). Journal of Experimental Psychology: General, 141(1), 37.