外交

外交係指一國對外同他國交往接觸。外交包括一國對外政策，派去外國嘅人員使節，以及處理國際間唔同方面合作同埋衝突。外交事務好多時都係外交官先同外國傾掂，擬定條約，最後畀國內有關機關簽署批准。

響美國紐約聯合國總部，係世界上最大嘅外交機構。

Ger van Elk, Symmetry of Diplomacy, 1975, Groninger Museum.

外交通常都係一國對一國，即係雙邊外交。不過因為家下好多時問題都唔係一國可以解決，所以就有幾個國家一齊傾，咁就謂之多邊外交。

外地機關同人員

為咗方便同外國機要溝通，一國通常會派人到外國駐守。呢啲人有時會總稱叫做使節，外交官或者外交人員。佢地有唔同級別，代替一國處理唔同層次嘅工作。通常駐守一國嘅阿頭叫做大使，所以佢做嘢嘅地方就叫做大使館。次一級就叫做領事，設立嘅係領事館。

駐外嘅外交人員有外交豁免權，即係就算當地犯法，都唔會受到當地法律懲罰。遇到呢種情況，如果係嚴重嘅，當地可能將呢個人驅逐出境，交返畀佢個國處理。

理論上，外交通訊可以唔使畀當地檢查，外交官帶嘅任何文件都唔會畀人查。

有時為咗表示兩國交往唔好，會驅逐對方外交官，又或者撒走自己外交人員，將使管摺埋。