多黨制

多黨制 (英文：Multi-party system) 係一個有多過兩個政黨嘅政治制度，同一黨專政或者兩黨制相對。呢啲政黨全部都有足夠嘅資源同埋支持，去成為一個執政黨，而佢哋好多時都會成立聯合政府嚟執政。呢個制度喺用議會制同埋比例代表制嘅國家比較普遍。

有多黨制嘅國家包括：阿根廷、亞美尼亞、比利時、巴西、加拿大、丹麥、芬蘭、法國、德國、冰島、印度、印尼、愛爾蘭、荷蘭、新西蘭、挪威、菲律賓、波蘭、瑞典、突尼西亞、土耳其、同埋烏克蘭。

比較

同一黨專政相比，多黨制能夠將政府嘅權力分配去到唔同嘅黨度，避免一個黨控制哂成個議會。

相比於兩黨制，多黨制喺代表民意上面做嘅更加好，係一個比較民主嘅制度。同時，有研究聲稱多黨制能夠避免出現政治嘅兩極化、鼓勵中間主義嘅政黨、同埋成立聯合政府。