擳

擳（粵拼：zit1）係通過𢯎某一部分嘅皮膚令人肌肉摵下摵下，或者大笑，或者兩樣都有。爾種生理現象通常唔係被人擳嗰個人可以自己控制嘅。1897年，生理學家進一步將擳分成兩種，一種（knismesis）係輕輕力噉𢯎，會令人覺得痕，但係一般唔會笑；另一種（gargalesis）係相對比較大力反复刺激一啲特別敏感嘅部位，一般會令人大笑。

擳到笑

亞里士多德好耐之前就問過怎解人唔可以自己擳自己。

培根同查理斯·達爾文都認為，一般來講笑需要比較輕鬆嘅情緒狀態，但係佢哋對擳引起嘅笑就有唔同睇法：達爾文認為同樣需要；而培根就認為就算個人心情好差，被人擳都有可能笑。