日本護照

日本喺1878年2月20號，開始簽發日本帝國海外旅券，亦即係日本護照。由於日本曾經殖民統治過台灣同韓國，所以日本發出嘅旅行證件，對當地都有唔少影響。

日本本土

1878年2月20號，公布海外旅券規則，並且簽發旅券，亦即係廣東話嘅護照。

二次大戰前

1917年，簽發有埋相片嘅護照，過往嘅旅券唔一定要貼埋相。1918年，由於日本同中國之間交通往來頻繁，雙方決定容許對方國民唔駛持護照出入境。1926年，簽發現代設計嘅護照。

戰後

1992年，根據國際標準，發出可以俾機器讀嘅MRP旅券。1995年，根據國際標準，發出十年有效護照俾成年人，未成年嘅繼續拎五年有效。2004年，由岡山縣開始，接受電子申請。2006年，開始簽發內藏晶片，有生物特徵嘅護照。

台灣

1897年，台灣割讓俾日本後，大批日本浪人經台灣去到中國，造成治安問題，宣布要持有加註有台灣籍嘅日本旅券出入。 1907年，由於申請日本旅券手續太麻煩，台灣總督府宣布，去中國同香港嘅旅客，可以自己決定申唔申請日本旅券。 而日本向台灣人發出海外旅券，但清政府又唔承認呢批人無中國國籍，搞到中日兩國當時好多紛爭。

韓國

1907年，日本頒布《外國旅行規則》，宣布喺韓國人簽發日本旅券嘅方法。

參閱

• 護照