李光耀
呢篇文側重咗喺部分見解、事件或爭議。 |
想搵香港導演嘅話，請睇李光耀 (導演)。李光耀（粵拼：lei5 gwong1 jiu6；英文：Lee Kuan Yew，1923年9月16號—2015年3月23號）係星加坡華人，祖籍廣東大埔（而家係廣東梅州同福建龍潭永定之間嘅山區）。星加坡獨立之後第一任總理，由1959年做到去1990年，又係執政人民行動黨嘅首任秘書長。之後退居二線，1990年到2004年期間就擔任「國務資政」，跟住做「內閣資政」，為佢個大仔、現任星加坡總理李顯龍提供意見，到2011年先完全退休。2015年3月23號因為嚴重肺炎喺醫院病死，終年91歲。
| 李光耀 | |
|---|---|
 | |
| 出世 | 1923年9月16號 三洲府星加坡 |
| 死 | 2015年3月23號（91歲） 星加坡 |
| 國籍 | 星加坡 |
| 出名原因 | 星加坡獨立之後第一任總理 |
| 配偶 | 柯玉芝（1920——2010） |
| 仔女 | 李顯龍 李顯揚 |
爭議
編輯李光耀係個極具爭議且鐵腕嘅獨裁者，批評者認為佢令新加坡冇新聞自由，喺政治上亦唔民主，文化發展亦因政治需要而備受壓抑，反對派長期受打壓及迫害[1]。李光耀掌權以嚟，引用殖民地時期制定嘅《內部安全法令》囚禁約2600名異己。前國會議員謝太寶甚至喺未經審判嘅情況下，被新加坡當局監禁同軟禁長達32年（監禁23年，軟禁9年）。
馬來西亞與印尼華人邊緣論
編輯2006年9月15號，李光耀喺公共政策學院主辦嘅萊佛士論壇上，發表「馬來西亞與印尼政府有系統邊緣化華人」相關言論[2][3]，引起同時鄰國馬來西亞同印尼嘅外交風波[4]。李光耀喺論壇上提到，新加坡同印尼同埋馬來西亞嘅關係時，指印尼前總統優素福·哈比比曾經形容新加坡似俾綠色嘅海洋包圍嘅「小紅點」，而小紅點就係迫使新加坡，好似印尼國內嘅華人一樣，對佢言聽算從；跟住形容馬來西亞華人被有系統地邊緣化。言論引起馬印兩國政府強烈反應[5]，馬來西亞同印尼兩國嘅政治人紛紛對此表示不滿，並要求新加坡對李光耀嘅言論作出解釋同道歉[6][7]。馬來西亞前首相馬哈迪責備李光耀傲慢同唔尊重鄰國，並反擊話馬來西亞都可以質疑新加坡將當地馬來族邊緣化。印尼前總統哈比比指形容「小紅點」係激勵印尼青年向新加坡學習，但原意被歪曲。9月30號，李光耀為言論向馬來西亞首相阿布都拉·巴達威道歉[8][9]，但冇收回言論[10][11][12]。
要挾選民
編輯1991年，工人黨提名嘅劉程強贏得后港選區嘅國會議席，後喺1997、2001同2006年三次大選中連任。後港嘅選民亦因此「付出代價」，自1990年代以嚟，后港地區存在組屋翻新滯後、公共交通規劃唔周全等問題，工人黨嘅支持者認為，呢個係新加坡政府有意對后港選民進行「懲罰」。
喺2011年新加坡大選前，李光耀對阿裕尼集選區嘅選民講：「如果你哋投畀反對黨，你哋呢度就會變成貧民區。」結果引起該選區選民反感，最終工人黨戰勝人民行動黨，贏得阿裕尼集選區嘅國會席位[13]。
評價
編輯馬哈迪評論
編輯2015年李光耀逝世後，馬來西亞前首相馬哈迪喺佢個Blog發表主題為「光耀與我」嘅文章，佢對李光耀逝世表示悲傷同哀悼，佢話佢成日同呢位新加坡老將交鋒，但係對國家嘅茁壯成長上高提供咗不分仇敵嘅意見，佢仲寫隨住李光耀嘅逝世，東盟喺冇李光耀同蘇哈托（第2任印尼總統）底下失去咗強勢領導[14]。
2016年4月，喺李光耀逝世一周年，馬哈迪向媒體表示新加坡人必需珍惜李光耀嘅付出同犧牲，指佢係新加坡今日掂嘅重要關鍵。馬哈迪表示李光耀有責任將新加坡轉變成擁有世界級港口同航空樞紐嘅金融中心。佢話啲人全部需要記住呢啲成就，重表示李光耀嘅立場同馬來西亞嘅立場唔一樣[15]。
名（榮）譽博士
編輯攷
編輯- ↑ 陈华彪 (2015-03-23)。〈李光耀逝世让人民重获自由〉。Malaysiakini (中文)。喺2021-06-08搵到。
- ↑ 〈李光耀指印马两国华人被"边缘化"招激烈声讨〉。www.chinanews.com。喺2021-03-25搵到。
- ↑ 〈李光耀称马来西亚和印尼华人被边缘化引来批评_新闻中心_新浪网〉。news.sina.com.cn。喺2021-03-25搵到。
- ↑ 〈李光耀华人边缘化言论激怒马国 - 大纪元〉。《大纪元 www.epochtimes.com》 (簡體中文)。2006-09-24。喺2021-03-25搵到。
- ↑ 〈新加坡文献馆: 李光耀华人边缘化言论激怒马国〉。www.sginsight.com。原著喺2021-03-09歸檔。喺2021-03-25搵到。
- ↑ 〈指"大马华人被边缘化" 首相要李光耀解释〉。archive.kwongwah.com.my。喺2021-03-25搵到。
{{cite web}}: CS1 maint: url-status (link) - ↑ 〈批李光耀深陷旧种族主义框框安华：全民公正取代边缘论〉。Malaysiakini (中文)。2006-10-02。喺2021-03-25搵到。
- ↑ 〈"华人被边缘化"言论掀波李光耀已覆函阿都拉〉。Malaysiakini (中文)。2006-09-30。喺2021-03-25搵到。
- ↑ "Singapore's Lee Kuan Yew replies to Malaysian PM The Star". www.thestar.com.my. 喺2021-03-25搵到.
- ↑ 〈华人边缘化:李光耀道歉但不收回〉 (英國英文)。2006-10-03。喺2021-03-25搵到。
- ↑ 实习记者黄思颍 (2006-10-03)。〈分析家：李光耀根本没道歉！〉。Malaysiakini (中文)。喺2021-03-25搵到。
- ↑ 〈阿都拉不满意李光耀解释巫统抨击把马哈迪拖下水〉。Malaysiakini (中文)。2006-10-03。喺2021-03-25搵到。
- ↑ 〈李光耀曾言：如投票给反对党你们这里会变贫民区_网易新闻中心〉。web.archive.org。2015-04-02。歸檔時間2015-04-02。喺2021-04-23搵到。
{{cite web}}: CS1 maint: bot: original URL status unknown (link) - ↑ "Kuan Yew and I ← Chedet". chedet.cc. 原著喺2016-10-02歸檔. 喺2021-04-24搵到.
- ↑ hermes (2016-04-05). "Lee Kuan Yew was pivotal to Singapore's success: Mahathir". The Straits Times (英文). 喺2021-04-24搵到.
- ↑ 〈李光耀 - 檔案 - 名譽博士學位畢業生 - 香港大學名譽博士學位畢業生〉 (繁體中文)。香港大學。原著喺2020年3月23號歸檔。喺2020年3月23號搵到。
- ↑ 第56屆大會 (2000) | 頒授學位典禮 | 香港中文大學，香港中文大學 （繁體中文）
- ↑ 〈名誉博士学位批准、授予名单（截至2008年12月）〉 (XLS) (簡體中文)。中華人民共和國教育部。第157項
出面網頁
編輯
