猶太教經典

猶太教經典主要係妥拉（摩西五經）在內既塔納赫，又叫做希伯來聖經（希伯來文：תנ״ך；英文：Tanakh、Tanach 或者 Hebrew Bible），大至上同基督教既舊約聖經同樣，再加上口傳律法（密西拿，Mishnah）、口傳律法註釋（革馬拉，Gemara）同埋聖經註釋（米德拉什，Midrash）在內既塔木德（Talmud）。

猶太教經典中既經典就係依家《聖經》既舊約部分（《聖經·舊約》）。因為絕大多數原本既經文都係用希伯來文寫成既，只有少部分經文係用亞蘭文（又譯做亞拉姆文）寫既，例如《但以理書》（天主教譯做《達尼爾先知書》；希伯來文：דניאל‎）、《以斯拉記》（天主教譯做《厄斯德拉上》；希伯來文：סֵפֶר עֶזְרָא）等，所以又叫做《希伯來聖經》。

《聖經·舊約》最初既五卷經文（《創世記》、《出埃及記》、《利未記》、《民數記》、《申命記》），一般應為前面四卷，同埋《申命記》既前段，都係摩西寫寫既，《申命記》後段係另有人寫既，所以通常呢五卷經文叫做「摩西五經」。

希伯來聖經

猶太教經典希伯來聖經，主要分做三大部分：

第一，妥拉（希伯來文：תורה‎，Tora；英文：Torah，意思係 "instruction"，｢訓示｣），又叫做「律法書」､「五經」或者「摩西五經」。呢五卷書，講關於世界既創造、人類既起源、以色列民族既歷史；

第二，先知書（希伯來文：נביאים‎，Neviʾim，意思係 "prophets"，｢先知｣）總共有八卷，分上下兩部份，講曾經教導同帶領猶太人既歷史人物既事跡，亦講到猶太民族既興衰；

第三，聖錄（希伯來文：כתובים‎‎，Ketuvim；意思係 "Writings"，｢文集｣），包括十一卷書：

詩歌，總共三卷，以兩欄形式呈現既平行詩句：
- Təhīllīm（תְהִלִּים） – 《詩篇》（Psalms）
- Mīšlē（מִשְׁלֵי） – 《箴言》（Proverbs）
- Īyyōḇ（אִיּוֹב） – 《約伯記》（Job）
《五書卷》（希伯來文：חמש מגילות‎），喺特定場合既猶太教堂聚會，信眾會大聲朗讀呢啲書：
- Šīr hašŠīrīm (שִׁיר הַשִּׁירִים) –《雅歌》（Song of Songs）亦叫做《所羅門之歌》（Song of Solomon），喺逾越節（Passover）安息日既時候誦讀，標誌豐收之始。
- Rūṯ (רוּת) –《路得記》（Ruth），喺五旬節（Shavuot）慶祝活動既時候誦讀《路得記》，標誌收割季節，同埋愛心、照顧窮人。
- Ēḵā (אֵיכָה) – 《耶利米哀歌》（Lamentations），喺聖殿被毀日（Tisha B'Av，公曆七月或者八月），喺猶太會堂哀悼耶路撒冷俾人毀滅既時候誦讀《耶利米哀歌》，當日會禁止好多活動，包括食嘢、飲水、沖涼，同埋任何令人開心既活動。
- Qōheleṯ (קֹהֶלֶת) – 《傳道書》（Ecclesiastes），喺住棚節（希伯來語：סוכות或סֻכּוֹת；英文：Sukkot）既安息日會誦讀《傳道書》。住棚節係猶太教三大節之一，由希伯來曆提斯利月15號（公曆9～10月之間），持續7日，紀念摩西統領族人逃出埃及之後，喺曠野中漂流四十年，住喺棚屋既日子。
- Estēr (אֶסְתֵר) – 《以斯帖記》（Esther），喺普珥節（Purim）既時候（猶太曆亞達月既第十四日、十五日），猶太人會誦讀描述普珥節由來既《以斯帖記》經文，紀念公元前5世紀，猶太人俾波斯帝國統治期間，差啲俾人滅族既歷史，同埋上帝點樣用神蹟去拯救猶太人。
除咗詩歌同埋《五書卷》之外，「聖錄」既其餘書卷係《但以理書》（Daniel）、《以斯拉-尼希米記》（Ezra–Nehemiah）同埋《歷代誌》（Chronicles）；猶太傳統無對呢啲書卷做正式既分類。

口傳律法

口傳律法（希伯來文： תּוֹרָה שֶׁבְּעַל־פֶּה‎ 或者 Tōrā šebbəʿal-pe；英文：Oral Law），又叫做「口頭托拉」或者「口傳妥拉」（英文：Oral Torah）係猶太教既一個概念、術語，同「書面妥拉」（希伯來文：תּוֹרָה שֶׁבִּכְתָב‎, Tōrā šebbīḵṯāv；英文：Written Torah）或者叫「書面律法」（英文：Written Law）相對、係猶太教經典之一。

正統猶太教認為呢啲律法係硬性規定既，係全面既猶太行為準則，佢涵蓋咗廣泛既儀式、崇拜習俗、神人關係、人際關係等，從飲食規定（希伯來文：כַּשְׁרוּת‎，英文：Kashrut）到安息日；從節日慶祝、婚姻關係，到農業實踐、民事索賠同埋損害賠償都包括在內。

聖經（塔納赫）註釋

米德拉什 (英文：Midrash；希伯來文：מדרש），又譯做「米德拉西」、「密德拉西」，係猶太教經典，係猶太教對《塔納赫》解釋既宗教文獻，對《塔納赫》既律法同倫理，作出通俗化既註釋同埋闡述。米德拉什呢個詞語本身有「解釋」、「註釋」、「闡釋」既意思。

口傳律法（革馬拉）註釋

《革馬拉》（英文：Gemara，Gemora 或者 Gemorra），係猶太教經典之一，是《塔木德》既重要組成部份，包含拉比對口傳律法《密西拿》既分析同埋評論，總共有63本書。