石頭湯

石頭湯係西方古老嘅民間故仔。幾個肚餓、生面口嘅人去到鎮仔，用蠱惑招令到當地人分享佢哋嘅嘢食。唔同嘅傳統，石頭換成其他常見嘅唔食得嘅嘢，所以又叫做「斧頭湯」、「衫鈕湯」、「鐵釘湯」、「木頭湯」。

喺阿爾梅林，一磚憎人銅像，煲緊石頭湯

故仔

兩個旅者去到一條村，乜家當都冇，孭住隻大鑊。村民都唔想請佢哋食嘢。之後，旅者將個載咗水嘅大鑊，擺嚿石頭落去，下面點火，煮嘢噉。有個村民好奇，問佢哋做緊乜。旅者回答，佢哋煮緊「石頭湯」，重話好好味。跟住同村民講，如果可以借少少鹽，就會重好味。村民唔介意幫手，畀啲蘿蔔出嚟，加入湯。另一位村民行過來，八卦問下，旅者話石頭湯未做好，如果加多少少嘢會重好味。越來越多村民行過來，人人都畀啲自己有嘅嘢（火腿、薯仔、薏米噉）出嚟。最後，拎走石頭，一兜好味又有營養嘅湯就整好。旅者同村民分享啲湯。雖然旅者呃咗村民同分佢地嘅嘢食，而佢哋成功咁變出好正嘅一餐，同捐嘢出嚟嘅村民分享。

唔同版本

喺北歐國家，呢個故仔叫「鐵釘湯」，而主角通常係搵嘢食同瓦遮頭嘅流浪漢，佢講掂個呀婆，話可以用鐵釘煲出好味嘅湯，叫佢如果可以加啲裝飾 。東歐版變咗「斧頭湯」，故仔同北歐版相似。

法國同匈牙利版本，旅者係回國嘅軍人。喺法文版，三名兵打完拿破崙之戰回國。匈牙利版，係一個肚餓嘅兵仔幾經辛苦返鄉下嘅故仔。俄羅斯嘅傳統，個兵士準備「斧頭卡莎」（Каша из топора）。

約翰彼得黑貝爾寫嘅德文版 “Der schlaue Pilgrim”（狡猾嘅朝聖人，1811年），其中老謀深算嘅朝聖人，話係去耶路撒冷途中，𠱁女主人，令佢一步步考慮加入好味嘅湯料，入去「石春湯」道，最後食剩啲石春 。

喺葡萄牙傳統，旅者就化身成憎人，故事喺葡萄牙阿爾梅林發生。而家阿爾梅林，自稱石頭湯首都，有唔少餐廳賣 sopa de pedra（石頭湯）。