網絡備案

備案，又叫中華人民共和國網絡實名制，由工信部發行，所有喺中國大陸託管嘅網站都要進行備案。

史

2000年9月嘅《中華人民共和國電信條例》指出，所有託管喺中國大陸嘅域名都要有一個證書，網站託管商必須要禁止證書唔符合嘅網站訪問。

一啲外國公司，例如Google，摞唔到證書但又想喺中國託管，就要同一啲中國公司合作嚟用佢哋嘅證書。

點樣備案

一般嚟講，首先要企喺一塊印有工信部Logo嘅幕布前面影相，要求係要去指定地點拍攝，但係好多提供商貪方便，都會快遞幕布畀客戶自己影（2013年開始呢種行為被批評）。然後，複印各種證件（身份證之類），然後簽幾份文件，根據唔同提供商有所唔同，大體上有網站備案信息真實性核驗單、網絡接入服務合同、互聯網信息安全備案責任書、XXX（託管提供商嘅名）備案資料提供、域名證書（通常喺大陸提供商註冊嘅域名先至有證書）。

資料準備充足，提交畀提供商，提供商會幫你上傳到工信部，等20日左右就有回覆。如果被拒絕，就要重新執行上邊嘅步驟。

由於好多時被拒絕都係根據審核員心情而定，所以備案引起好多爭議。