緊固件
緊固件（粵拼：gan2 gu3 gin2；英文：fastener）係機械零件嘅一種，指啲專門用嚟將兩件（或者兩件以上）物體固定埋一齊，等呢啲物件唔會郁嘅零件，好似係螺絲、夾鉗、同埋釘呀噉。一般嚟講，用緊固件嘅用途在於整出非永久性嘅關節位－相對於好似係銲接呢一啲用嚟永久噉將物體定死埋一齊嘅技術。而為咗要達到呢個目的，緊固件基本上實會用一啲襟用嘅物料造，例如係不銹鋼或者碳鋼噉[1]。
喺定義上，緊固件通常係指一啲喺組裝機械嗰陣先會用嘅零件（「專門」）：即係話好似繩、鎖鏈、磁石、或者保鮮紙等嘅物件，雖然都可以攞嚟將機械零件固定，但因為佢哋除咗「將多件機械物件固定」之外仲有好多唔同嘅用途，所以一般都唔會俾人歸類做緊固件；而且另一方面，好似繩同保鮮紙等嘅物件好多時都唔夠硬淨，唔能夠將物件定死唔郁[2]。
用緊固件嘅一大好處係，機械部份固定咗之後仲可以改變：如果想將兩件用螺絲固定咗嘅機械部份拆開，個技術人員衹係需要拆啲螺絲落嚟；相比之下，如果嗰兩個部份用銲接、膠水、或者紅毛泥呢啲方法永久噉接駁埋一齊嘅話，要將佢哋分開基本上無可避免噉破壞佢哋[1]。
常見嘅緊固件
編輯標準同可追溯性
編輯ASME B18 嘅標準
編輯美國機械工程師學會（American Society of Mechanical Engineers，ASME）推出咗幾種有關緊固件嘅標準。有啲係[3]:
- B18.3 插座接起、膊頭部分、設置螺釘、同六角鍵（用英寸嚟量度）
- B18.6.1 木螺釘（用英寸嚟量度）
- B18.6.2 開槽頭接起嘅螺釘、方形頭組螺釘、同埋開槽冇頭設置螺釘（用英寸嚟量度）
- B18.6.3 機器螺釘、攻絲螺釘、同埋金屬驅動螺釘
- B18.18 品質保證（緊固件）
- B18.24 B18 緊固件產品嘅零件識別編號（PIN）代碼系統標準
軍事用途
編輯美國同英國對緊固件有唔同標準。美國所用嘅螺釘、電源、同螺母並唔完全同英國版嘅可互換，所以唔會啱用喺嚟自英國嘅裝備嗰度。呢一點引致咗美國制定佢自身嘅軍事架生標準同規格（包括咗對緊固件嘅規格），而美國嘅獨特軍事緊固件規格好大程度上係因為二戰嘅緣故。
大多數軍事標準嘅一個關鍵要素係有可追溯性（traceability）。 簡單啲講，硬件製造商必須要能夠搵出啲貨件由邊度嚟，並且為進入供應鏈嘅部件提供可追溯性（例如係通過啲條形碼噉）。可追溯性用意在於幫助同確保啲人使用正確嘅零件，同埋喺成個製造過程嘅每一步都符合質量標準；此外，有咗可追溯性，啲人搵到唔合標準嘅零件嗰陣有得追溯返個源頭[4]。
睇埋
編輯參考
編輯- Parmley, Robert (1996). Standard Handbook of Fastening and Joining (3 ed.). McGraw Hill.
攷
編輯- ↑ 1.0 1.1 Stonecypher, Lamar. "Fasteners - Their Needs and Types". Bright Hub Engineering.
- ↑ Childs, P. (2003). Mechanical design. Butterworth Heinemann.
- ↑ "Bolt Specific Standards".
- ↑ "Why Traceability Matters". B & B Electro-Mechanical. 原著喺2019年4月14號歸檔. 喺2019年7月31號搵到.
{{cite web}}: Italic or bold markup not allowed in:|website=(help)
