自主

自主，憑得自己意志去做咁解，個意思取自英文freedom。不過中文更多時譯做自由，就同英文liberty個自由意思衝撞，變得混淆不清。不過就算英文，兩隻字都成日當成同義，實情意思相當唔同。自主屬內在，有個人意志。自由歸外在，人間社會之中，唔受管束，唔受干涉，但又講求後果責任。由於兩者成日撈亂，故此就算見自由一字，都要分清楚來歷。

文

過往英文freedom有種種譯法。一八二二年，馬禮遜英華字典，英字解為principles of self rule，唐字自主之理。一八四七、四八年，麥都思英華字典，稱為任意擅專、自主之事。一八六六到六九年，羅存德英華字典，自主者、治己之權。一九〇八年，顏惠慶英華大辭典，自由、不受人節制、作爲自由、自主、不爲奴隸。首見自由一字。

可見譯法，一向以自主為多。又意會做任意、無拘束、治己、自己作主。都為憑自己意思，自己治理。

直至一九〇八年顏惠慶，譯做自由。由為豐儉由人，任由個由。廣東話任你、由你，意思就話唔約朿你，你想點就點。

自由

自由係古字，可以上追到後漢書。自有自己同自然之意，自由即行為自然、唔做作、唔被迫。若然見喺古史，多數指王室、達官唔受約束，任意行事。

西遊記亦有話孫悟空「我等日日歡會、在仙山福地、古洞神洲、不伏麒麟轄、不伏鳳凰管、又不伏人間王位所拘束、自由自在、乃無量之福、為何遠慮而憂也。」自由同自在，意思唔受管唔受束，想點就點。

種類

自主名目繁多，多不勝數。

至出名為言論自由。馬禮遜則有freedom of speech to the emperor，叫大開言路。羅德存繙freedom of speech做任意講之權。可見憑心想講乜就講，而自主就睇成權利。

其他如集會自由、出版自由、選擇自由、結社自由、學術自由、思想自由、宗教自由、政治自由、藝術自由、經濟自由、科學自由咁。