襯托
襯托（粵拼：can3 tok3），又叫映襯（粵拼：jing2 can3），係種修辭手法，即係指比較兩個事物，去突顯主要事物嘅某個特徵。襯托有正襯、反襯之分。
襯托可以令文章語意更深刻、加強語氣、更加鮮明噉表現主題。
同對比嘅分別
編輯襯托同對比唔同，但係成日會撈亂。襯托嘅兩個事物有主次之分，以次要嘅突出主要嘅；而對比係將兩個事物放埋一齊比較，冇一方比較突出。
用法
編輯正襯
編輯正襯係指利用次要事物某個同主要事物相同或相似嘅形象，由正面去襯托主要事物嘅某個特徵。
例子
編輯- 朱門酒肉臭，路有凍死骨。（杜甫·自京赴奉先縣詠懷）
反襯
編輯反襯係指利用次要事物某個同主要事物相反、相異嘅形象，由反面去襯托主要事物嘅某個特徵。
例子
編輯- 敗草裏的鮮花（徐志摩《我所知道的康橋》）
- 粵化：「敗草裏面嘅鮮花」
- 用「敗草」嚟襯托「鮮花」，令人可以諗到響一大堆敗草入面有一朵鮮花，形成強烈對比。
旁襯
編輯旁襯，係指將主體A刪走，用有關聯嘅B嚟從側面烘托A。旁襯因為比較難寫，又好易同反襯撈亂，所以比較少人用。
例子
編輯- 縣中學生一群一伙，三三兩兩，邊走邊唱著，談著。笑著，走到與改霞相遇時，一下子靜下來，對她行「注目禮」。有些走了以後，還要回頭看一看[1]。
- 響呢句入面，作者刪走咗主體A「改霞嘅美貌」，用旁體B「縣中學生見到改霞個陣嘅反應」，由側面烘托住改霞嘅美貌。
睇埋
編輯攷
編輯- ↑ 〈修辞学讲义打印201003 - 百度文库〉。wenku.baidu.com。喺2020-11-15搵到。