謀殺

謀殺（粵拼：mau4 saat3）係一種罪行，係指有意圖噉令人哋嚴重受傷或者死。

喺香港嘅謀殺罪

• 喺香港，法律制度沿用普通法、衡平法、習慣法。根據香港法例第212章《侵害人身罪條例》，18歲或以上嘅人畀人裁定犯謀殺罪，必須一律判終身監禁；至於18歲以下嘅人，法庭可行使酌情權判處較短刑期。依香港法例第339章《殺人罪行條例》，下面呢啲情況下殺人唔屬於謀殺，需要第啲罪名（例如誤殺）起訴：

1. 殺人行為未具備預懷惡意、
2. 殺人嗰陣神志失常、
3. 喺畀人激嬲到冇咗自控能力底下殺人、
4. 依據自殺協定下互相殺死協定中嘅人。
5. 若嗰位犯人有精神病，且病情不定時，雖然會以誤殺罪起訴，但所判處嘅無限期醫院令基本上等同終身監禁，而且一般唔可以假釋，亦係18歲以下人士可畀判囚終身嘅例外。