軟體動物

軟體動物，學名軟體動物門，拉丁學名Mollusca，生物分類一門，品種有八萬五千之多，無脊椎動物之中，品種之冠。海中生物各門，亦屬之冠，佔海中生物兩成三。唔單海中，淡水江湖、陸上都一樣，故此生物繁多，形態各異。一門各九到十綱，其中兩綱已絕。當中頭足綱，諸如魷魚、花枝、八爪魚，無脊椎動物之中，神經最發達，其中巨魷，更係無脊椎動物之中最大。以品種計，腹足綱至多，佔軟體動物八成，當中有螺、蝸牛等。

How to read a taxobox 軟體動物
藍圈八爪魚係軟體動物
物種分類
界 動物界 Animalia 門 軟體動物門 Mollusca

蝸牛係軟體動物

蜆係軟體動物

軟體動物品種繁多，結構殊異，好難概括話有乜共同特徵。要講最廣泛特徵，係套膜（mantle），內有腔用以呼吸、排洩，同埋佢個神經系統構造。其他構造只得假設通徵，難以一概而論。軟體動物器官，一官多用，有唔同功能，如有啲心同腎，兼做生殖。

軟體動物係人食用來源之一，而珠、貝等亦爲人所喜愛，有時價值連城。但有啲係有毒，如藍圈八爪魚，畀佢毒到，九死一生。