逾越節

逾越節（粵拼：jyu4 jyut6 zit3；希伯來文：פֶּסַח‎，羅馬拼音：Pesach；英文：Passover）係猶太教嘅節日，係紀念上帝救以色列人脫離埃及人嘅奴役並且重獲自由。逾越節喺尼散月15號嘅夜晚^[1]進行。逾越節喺以色列持續7日，以色列之外地區就持續8日。

根據《出埃及記》記載，法老非常硬頸，所以上帝先要用十災來對付佢哋，但係出咗九種災害之後，法老仲係死唔肯俾以色列人離開埃及，係都要佢哋留低做奴隸，於是上帝出第十災，一夜之間將埃及入面所有大仔同第一胎嘅牲畜全部殺嗮，法老先至肯俾以色列人離開。喺殺長子嘅前一日，上帝嘅子民就按照吩咐，將羊羔嘅血搽喺門框同門楣上面做記號，於是使者見到門楣上面有羊血，就唔入去殺屋入面嘅人。

逾越節就係紀念上帝嘅使者越過門楣，救咗佢哋出來，唔使再做奴隸。為咗紀念爾個神蹟，佢哋食逾越節晚餐嘅途中會唸完整嘅讚美詩篇（הלל שלם，Hallel shalem），認為係《以賽亞書》30章29節嘅吩咐^[2]^[3]，除咗爾篇之外佢哋喺當晚亦都會唸｢大讚美詩篇｣。

逾越節有特別嘅飲食規定，唔准食發酵過嘅食物。

基督教嘅逾越節

基督宗教都有逾越節嘅概念，但係指嘅係復活節，不過除咗天主教之外，普遍都唔用呢個名；天主教同聖公會嘅逾越節特別係指聖週四黃昏至復活節下晝之間（以猶太人嘅計法即係耶穌受難節至復活節之間）嘅三日，叫做逾越節三日慶典。

註

↑ 15號夜晚指日曆寫15號嗰日嘅前一晚嘅六點後，即係日曆寫14號嗰日嘅夜晚六點後。
↑ Grunfeld, Raphael (2019年5月9號). "Whole Hallel, Half Hallel, No Hallel" (美國英文). 喺2023年3月14號搵到.
↑ 參考〈以賽亞書〉30章29節（猶太教JPS：Is 30:29；可以睇埋：基督教和合本：〈賽〉30:29、天主教思高本：〈依〉三十29）。

拎

呢篇節文係楔位文。歡迎幫維基百科擴寫佢。

[1] 15號夜晚指日曆寫15號嗰日嘅前一晚嘅六點後，即係日曆寫14號嗰日嘅夜晚六點後。

[Grunfeld_(2019)-2] Grunfeld, Raphael (2019年5月9號). "Whole Hallel, Half Hallel, No Hallel" (美國英文). 喺2023年3月14號搵到.

[3] 參考〈以賽亞書〉30章29節（猶太教JPS：Is 30:29；可以睇埋：基督教和合本：〈賽〉30:29、天主教思高本：〈依〉三十29）。

[1]

[2]

[3]