附睾

附睾又叫副睾（英文：epididymis），係男性生殖系統嘅一部份；外型似逗號，連接住睾丸（俗稱膥子）同埋輸精管。

男人嘅附睾像逗號型，連住睾丸

解剖

男人嘅睾丸同附睾（圖中微凸處），可以隔住個膥袋睇輪廓同摸到佢哋

男人嘅左右兩粒睾丸背面都各自連住佢嘅附睾。附睾其實係一條捲曲得好犀利嘅管，成年男人嘅會長6至7米，由睾丸輸出小管嘅結尾開始直至輸精管為止，借住結締組織以及鞘膜固定喺粒睾丸後面。附睾分為三部份，上端最膨脹嘅係附睾頭（Head of epididymis）、中間較狹窄嘅係附睾體（Body of epididymis）、下端略大處係附睾尾（Tail of epididymis）；成個附睾係可以就咁用手就摸到。

功用

附睾頭同埋附睾體係男人啲精子發育變成熟嘅地方，之後精子會儲存喺附睾尾。精子如果唔能夠射出嚟，就會被消化同吸收從而消滅喺身體內。

疾病

附睾會發炎，叫附睾炎，又有分急性同慢性。

其他動物

除咗男人，唔少動物嘅公都有附睾。