雪崩

  想搵科幻小說嘅話，請睇雪崩 (科幻小說)。

雪崩係種天災，指山上面大量嘅雪忽然冧落嚟，情況好似山泥傾瀉咁，只會響落雪嘅地方出現。原因通常係積雪處於一種「危險」嘅平衡狀態之下，只要稍微有外力作用，就會失去平衡，造成雪塊滑動，進而引起更多積雪運動，令大量嘅積雪好快咁冧落嚟。附近嘅遊客同村民通常都會走唔切。

雪崩

雪崩可以喺唔同因素下引發，例如係降水增加令雪層變得鬆軟，亦可以係受地震甚至係人為影響。