馬可福音
馬可福音（希臘文：Κατά Μάρκον，天主教譯做《馬爾谷福音》係《新約聖經》記錄耶穌傳道活動嘅四福音書之一。係一本面向外邦人嘅福音書。
簡介
編輯作者︰馬可
日期︰65年
地點︰羅馬
對象︰羅馬人
馬可福音記述關於上帝之子耶穌基督嘅好消息，佢話我哋知耶穌係一位著重實行而具有權威嘅人。佢嘅權威可以喺佢嘅教訓，制伏邪靈嘅能力，同赦罪嘅權柄睇出來。耶穌自稱人子，佢到世上嘅目的係要服務人類，同埋為拯救人類而犧牲自己嘅性命。
馬可用簡潔有力嘅文筆記述耶穌嘅事蹟，將重心放喺佢嘅工作方面，唔喺佢嘅言論教訓。作者先用簡短嘅篇幅敘述施洗約翰傳道同埋耶穌嘅洗禮同受試探，跟住就更詳盡報導耶穌嘅醫病同教訓，又記述耶穌嘅門徒點樣逐漸認識佢，反對嘅力量亦係噉增加。最後幾章寫耶穌喺呢個世界最後一星期嘅事，特別係關於佢被釘十字架同復活嘅經過。
一般學者認為呢卷書嘅兩段結語唔係出自馬可嘅手筆，係其他作者加上去嘅。
提要
編輯- 福音嘅開始（1章1至13節）
- 耶穌喺加利利嘅工作（1章14節至9章50節）
- 從加利利到耶路撒冷（10章14-52節）
- 最後一個星期喺耶路撒冷同附近地方（11章1節至15章47節）
- 耶穌嘅復活（16章1-8節）
- 耶穌復活之後嘅顯現同升天（16章1-8節）