魯班（真名古籍記載有公輸班、公輸盤同公輸般等，亦都有尊稱公輸子[1]）係春秋末葉工匠，俾後世尊為中國工匠師祖。據說魯班喺魯國嘅一個世代大家族——公輸族出世，由於佢係魯國人，又俾人叫做魯班或者魯般，後來，魯班依個名流傳得最廣泛，成為通稱。
魯班喺約莫前507年（周敬王十三年）出世，40年後隱居歷山（今日濟南市東南，又叫做千佛山），前444年（周貞定王二十五年）之後死。
