炒魷魚

  呢篇文講俗語上嘅意思。想搵一味餸嘅話，請睇豉椒炒魷。

炒魷魚（粵拼：caau2 jau4 jyu4*2）或炒魷（魷字有陰上變調，caau2 jau4*2），又叫革扯、革職，係屬於「永久退出勞務」或「停止合同」嘅是但一種，佢係由老細或用人單位方面主動提出嚟嘅要求。相反，如果由打工仔主動提出嘅話，就係「辭職」。

典故

話說舊時打工包食宿，打工仔都會將被鋪放喺打工地方。當老細叫打工仔唔使再做，打工仔就要執包袱，捲埋被鋪走人。皆因捲埋嘅被鋪就似炒魷魚片咁捲曲，所以就叫「炒魷魚」。

另外，過年前「炒魷魚」又會叫做「無情雞」，話說響年底尾禡公司食飯，上碟雞嗰陣，雞頭指住邊個，即係暗示炒邊個；另一講法就係老世親自夾件雞畀邊個，即係暗示炒邊個。

理由

有啲地區嘅法律規定話唔可以冇理由炒魷，而炒魷嘅理由可以係：

• 因工作失誤，搞到公司損失。
• 成日遲到或早退。
• 唔夠工作能力，成日俾老細話蝕底嘅。
• 公司轉行，入面冇其它唔啱𠼻嘅空位響度。
• 個人喺單位入面冇乜誠信噉（成日阨人，做滾友嘅）
• 單位入面有多咗出嚟嘅成員

「炒魷」同「辭職」嘅對比

按勞務合約條款或當地《勞動法》：

• 「炒魷」：由僱主按比例畀代通知金去僱員度。

  如估係補返求先僱員冇咗呢份人工嘅，重可以嗌成「賠錢」。

• 單合約嘅打工仔喺未行嗮完整合約期而走咗佬嘅，嗰啲就係違約金。
• 部分公司係諗住裁員嗰陣，識得用各種手段嚟強迫員工「自願辭職」嚟避開違約金。

睇埋

• 𠲜人工